الەم • 14 مامىر، 2021

ۆاكتسينانىڭ تولىق كۋرسىن العاندارعا ماسكا كيۋ مىندەتتى ەمەس

17 رەت كورسەتىلدى

اقش-تا كوروناۆيرۋسقا قارسى ۆاكتسينانىڭ تولىق كۋرسىن العان ازاماتتاردىڭ قۇقىقتارى ەداۋىر كەڭەيتىلدى. بيلىك ناۋقاستاردى باقىلاۋ جانە الدىن الۋ ورتالىعىنىڭ جاڭا ۇسىنىستارىن باسشىلىققا الدى، دەپ حابارلايدى Egemen.kz.

ساراپشىلار اشىق اۋادا جانە جابىق ءۇي-جايلاردا ەكپەنىڭ ەكى كومپونەنتىن سالدىرعاندار ءۇشىن مىندەتتى تۇردە ماسكا كيۋ جانە قاشىقتىقتى ساقتاۋ تالاپتارىن الىپ تاستاۋدىڭ ورىندى ەكەنىن مالىمدەدى. بۇل تىزىمگە قوعامدىق كولىك، ۆوكزالدار مەن اۋەجايلار قوسىلمايدى.

گرەكيادا بۇگىننەن باستاپ ەپيدەمياعا قارسى ەنگىزىلگەن شەكتەۋلەر جەڭىلدەتىلدى. اتاپ ايتقاندا، ەل ىشىندەگى ساپارلارعا تىيىم سالۋلار الىنىپ تاستالدى، مۋزەيلەر جۇمىسىن قايتا باستادى. سونىمەن قاتار تۇرعىندارعا ەندى ۇيدەن شىعۋ تۋرالى SMS ارقىلى بيلىككە حابارلاۋدىڭ قاجەتى جوق. سونىمەن بىرگە گرەكياعا سۋ جانە اۋە كولىكتەرى ارقىلى كىرەتىندەر ءالى دە ۆاكتسيناتسيا تۋرالى انىقتامانى نەمەسە كوروناۆيرۋستى تەكسەرۋ تەستىنىڭ تەرىس ناتيجەسىن ۇسىنۋى كەرەك.

مولەكۋلالىق بيولوگيا سالىسىنىڭ جەتەكشى عالىمدارى مەن يممۋنولوگتار بۇۇ مەن قىتايدى SARS-CoV-2 كوروناۆيرۋسىنىڭ شىعۋ تەگى تۋرالى قايتا تەرگەۋدى ۇيىمداستىرۋعا شاقىردى. عالىمداردىڭ پىكىرىنشە، قىتايدا ددۇ ماماندارى جۇرگىزگەن تەرگەۋ جاڭا ۆيرۋستىڭ زەرتحانالىق نەمەسە تابيعي شىعۋ تەگى تۋرالى ناقتى دالەلدەر بەرە العان جوق. سونىمەن قاتار العاشقى گيپوتەزاعا جەتكىلىكتى كوڭىل بولىنبەدى دەيدى عالىمدار.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار