قازاقستان • 14 مامىر، 2021

يسپانيا قازاقستانمەن ستراتەگيالىق سەرىكتەستىكتى كەڭەيتۋگە مۇددەلى

3 رەت كورسەتىلدى

سىرتقى ىستەر مينيسترلىگىندە قازاقستان مەن يسپانيانىڭ سىرتقى ساياسي ۆەدومستۆولارى اراسىندا كەزەكتى ساياسي كونسۋلتاتسيالار ءوتتى، دەپ حابارلايدى Egemen.kzء سىم ءباسپاسوز قىزمەتىنە سىلتەمە جاساپ.

ءىس-شارا الدىندا يسپان دەلەگاتسياسىنىڭ باسشىسى يسپانيا كورولدىگىنىڭ سىرتقى ىستەر، ەۋروپالىق وداق جانە ىنتىماقتاستىق مينيسترلىگىنىڭ مەملەكەتتىك حاتشىسى كريستينا گاياكتى قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى قابىلدادى. كەزدەسۋ بارىسىندا ەكىجاقتى قارىم-قاتىناستاردىڭ بىرقاتار وزەكتى ماسەلەلەرى مەن حالىقارالىق كۇن ءتارتىبى بويىنشا پىكىر الماسىلدى.

سىرتقى ىستەر ءمينيسترىنىڭ ورىنباسارى ەرلان الىمباەۆتىڭ جانە ك.گاياكتىڭ توراعالىعىمەن وتكەن ساياسي كونسۋلتاتسيالار بارىسىندا تاراپتار ساياسي، ساۋدا-ەكونوميكالىق، مادەني-گۋمانيتارلىق جانە باسقا دا سالالارداعى ىنتىماقتاستىقتىڭ قازىرگى جاي-كۇيى مەن ودان ءارى دامۋ پەرسپەكتيۆالارىن تالقىلادى. سونداي-اق COVID-19 پاندەمياسىنىڭ ەكى ەلدىڭ ەكونوميكاسىنا اسەرى جانە ونىڭ جاعىمسىز سالدارىنا قارسى شارالاردى قاراستىردى.

نۇر-سۇلتان مەن ءمادريدتىڭ كوپجاقتى فورماتتاعى ءوزارا ءىس-قيمىلى كەلىسسوزدەردىڭ جەكە تاقىرىبى بولدى. تاراپتار قازاقستاننىڭ ەۋروپالىق وداقپەن، ونىڭ ىشىندە قر مەن ەو اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىم شەڭبەرىندەگى ءوزارا ءىس-قيمىلىن تالقىلادى.

كەلىسسوزدەر ناتيجەسى بويىنشا جوعارعى جانە اسا جوعارى دەڭگەيلەردەگى بايلانىستاردى جانە پارلامەنتارالىق ىنتىماقتاستىقتى جانداندىرۋ، شارت-قۇقىقتىق بازانى كەڭەيتۋ، ەكى مەملەكەت اراسىنداعى ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق بايلانىستاردى تەرەڭدەتۋ تۋرالى ۋاعدالاستىقتارعا قول جەتكىزىلدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار