باعدارلامالار • 14 مامىر، 2021

«سامۇرىق-قازىنا» 1،3 تريلليون تەڭگەنىڭ 18 ينۆەستيتسيالىق جوباسىن جۇزەگە اسىردى

10 رەت كورسەتىلدى

بەرىك ءۋالي مەملەكەت باسشىسىنىڭ قازاقستان حالقىنا جولداۋىندا ايتىلعان ينۆەستيتسيا تارتۋ تۋرالى تاپسىرمانىڭ قالاي ورىندالعانى تۋرالى جەلىدەگى پاراقشاسىندا جازدى، دەپ حابارلايدى Egemen.kz.

بەرىك ءۋالي 2020 جىلعى 1 قىركۇيەكتە جاريالانعان مەملەكەت باسشىسى قاسىم-جومارت توقاەۆتىڭ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىنا ايتىلعان مىندەتتەن ءۇزىندى كەلتىردى.

«الەمدە قالىپتاسقان جاڭا احۋالدا ەلگە ينۆەستيتسيا تارتىپ، وتاندىق تاۋارلار مەن قىزمەتتەردى ەكسپورتقا شىعارۋ ۇكىمەت ءۇشىن ەرەكشە باسىمدىققا يە بولىپ وتىر»، دەلىنگەن پرەزيدەنت جولداۋىندا.

اتالمىش تاپسىرما بويىنشا «سامۇرىق-قازىنا» ۇاق» اكتسيونەرلىك قوعامى قۇنى 1،3 تريلليون تەڭگە بولاتىن 18 ينۆەستيتسيالىق جوبانى جۇزەگە اسىرىپ، 13 مىڭنان استام جۇمىس ورنى اشىلعان.

«اتاپ ايتقاندا:

- قوستاناي وبلىسىنىڭ ەلدى مەكەندەرىن گازداندىرۋدى كەڭەيتۋ;

- قۋاتى 500 كۆ بولاتىن ءشۇلبى سۋ ەلەكتر ستانتسياسى – اقتوعاي – تالدىقورعان – الما جەلىسىنىڭ قۇرىلىسى;

- اتىراۋ مۇناي وڭدەۋ زاۋىتىنداعى مۇنايدى جوعارى دەڭگەيدە قايتا وڭدەۋ كەشەنىن سالۋ;

- تاراز قالاسىندا گاز تاراتۋ جەلىلەرىن جاڭعىرتۋ;

- ماڭعىستاۋ وبلىسىندا گاز تاراتۋ جەلىلەرىن جاڭعىرتۋ، رەكونسترۋكتسيالاۋ جانە سالۋ;

- شاردارا سۋ ەلەكتر ستانتسياسىن جاڭعىرتۋ;

- پرورۆا كەن ورىندارى توبىنىڭ ىلەسپە مۇناي گازىن كۇكىرتسىزدەندىرۋ قوندىرعىسىن سالۋ;

- «بەينەۋ – بوزوي – شىمكەنت» ماگيسترالدى گاز قۇبىرىندا 4 كومپرەسسورلىق ستانتسيا سالۋ»، دەلىنگەن حابارلامادا.

سوڭعى جاڭالىقتار

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار