قازاقستان • 14 مامىر، 2021

قازاقستان ۇكىمەتى ۇندىستانعا گۋمانيتارلىق كومەك كورسەتتى

1471 رەت كورسەتىلدى

پرەزيدەنت قاسىم-جومارت توقاەۆتىڭ تاپسىرماسىنا سايكەس جانە ەكى مەملەكەت اراسىنداعى ستراتەگيالىق سەرىكتەستىك قاعيداتتارىن باسشىلىققا الا وتىرىپ، قازاقستان ۇكىمەتى ۇندىستانعا كۇردەلى ەپيدەميولوگيالىق جاعدايعا بايلانىستى گۋمانيتارلىق كومەك كورسەتتى، دەپ حابارلايدى Egemen.kz.

جۇك تيەگەن ەكى قازاقستاندىق ۇشاقتىڭ ءبىرىنشىسى 2021 جىلى 14 مامىردا تاڭەرتەڭ نيۋ-دەليدەگى ينديرا گاندي اتىنداعى حالىقارالىق اۋەجايعا قوندى.

ەكىنشىسى بىرنەشە ساعاتتان كەيىن كەلۋى كەرەك.

گۋمانيتارلىق كومەككە مەديتسينالىق دەنساۋلىق ساقتاۋ كومپانيالارىنىڭ مەديتسينالىق ماسكالارى، رەسپيراتورلارى، قورعانىش كوستيۋمدەرى جانە ءپورتاتيۆتى جەلدەتكىشتەرى كىرەدى. اۋەجايدا ونى تابىستاۋ راسىمىنە قازاقستاننىڭ ۇندىستانداعى ەلشىسى نۇرلان جالعاسباەۆ، ءۇندى تاراپىنان - ءۇندىستان سىرتقى ىستەر مينيسترلىگى ەۋرازيالىق ىنتىماقتاستىق دەپارتامەنتىنىڭ ديرەكتورى باندارۋ ۆيلسونبابۋ قاتىستى.

شش

ەستەرىڭىزگە سالا كەتەيىك، 2021 جىلعى 4 مامىردا قازاقستان پرەزيدەنتى ق.توقاەۆ ءۇندىستان پرەمەر-ءمينيسترى نارەندرا موديگە ءۇندىستاندا COVID-19 ىندەتىنىڭ قاتتى ورشۋىنە بايلانىستى قالىپتاسقان قيىن-قىستاۋ كەزەڭدە ءۇندى ەلىنىڭ قايعى-قاسىرەتىنە ورتاق ەكەنىن جەتكىزگەن ەدى. ال 7 مامىردا قازاقستان ۇكىمەتىنە ءۇندى تاراپىنا ءتيىستى كومەك كورسەتۋدى تاپسىردى.

2020 جىلى ءۇندىستان قازاقستانعا پاندەميامەن كۇرەسۋگە كومەكتەسۋ ءۇشىن گيدروكسوحلوروحين تابلەتكاسىن جىبەرگەنىن اتاپ وتكەن ءجون.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار