رۋحانيات • 14 مامىر، 2021

«ءان» بە، «ءۇن» بە؟

43 رەت كورسەتىلدى

ابايدىڭ ەل اراسىندا ءجيى ايتىلاتىن 1898 جىلى جازىلعان «جەلسىز تۇندە جارىق اي» اتتى ليريكالىق ءانى بار. بىزگە بەلگىلى باسىلىمداردا وسى ولەڭدەگى ءبىر-ەكى شۋماق «تاۋ جاڭعىرىپ ءان قوسىپ، ۇرگەن يتپەن، ايتاققا» دەپ جازىلعان. بەلگىلى انشىلەرىمىز دە ءاندى وسى ماتىنمەن ورىندايدى.

ال نەگىزىندە «تاۋ جاڭعىرىپ ءۇن قوسىپ، ۇرگەن يتپەن، ايتاققا» بولۋى كەرەك. مۇحتار اۋەزوۆ ابايدىڭ ليريكاسى تۋرالى: «جەلسىز تۇندە» – ۇزاق ولەڭ ەمەس. مۇندا قازاق ساحا­راسىنىڭ ءبىر كەشى ەلەس بەرەدى. كوشپەلى اۋىل­دىڭ جارىق ايى، جەلسىز تۇندە تاۋ ءىشى، وزەن جاعاسىنا جايعاسقان كەزى الىنادى. اۋىل ۇيقىعا كەتكەن. دۇنيەنىڭ جىم-جىرتىعىن اندا-ساندا ۇرگەن يت پەن كۇزەتشىنىڭ ايتاعى عانا اۋىق-اۋىق بۇزعانداي. اينالاداعى تاۋ جاندى دۇنيە ۇنىنە سيرەك جاڭعىرىقپەن ءۇن قوسادى. تاعى ءبىر تىرشىلىك يەسى – سايدى جارىپ اققان تاسقىن وزەن اعىسىندا. سول شاقتا وڭاشا، جاسىرىن، اۋلاقتا ەكى جاس كەزدەسەدى» دەپ جازادى.

سونىمەن،

تاۋ جاڭعىرىپ ءۇن قوسىپ،

ۇرگەن يتپەن، ايتاققا،

كەلمەپپە ەدىڭ جول توسىپ

جولىعۋعا اۋلاققا.

تۇنگى ۇيقىداعى اۋىلدا ءان ايتىلماس بولار.

كوكەيدە جۇرگەن تاعى ءبىر وي. ابايدىڭ ء«بىرىڭدى، قازاق، ءبىرىڭ دوس، كورمەسەڭ ءىستىڭ ءبارى بوس!» دەگەن ناقىل سوزدەرى ءار اۋىلدا، ءار قالادا حالقىمىزدىڭ بەلگىلى تاريحي تۇلعا­لارىنىڭ بەينەلەرى سومدالعان « ۇلى دالا» پاننوسىنان كورىنىس بەرىپ تۇرسا، كىمگە دە بولسا دا وي سالىپ، باعدار شامداي اسەر ەتەر ەدى.

 

قۋات احمەتبەكوۆ

 

نۇر-سۇلتان

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

تىلگە قۇرمەت – ەلگە قۇرمەت

قازاقستان • بۇگىن، 08:48

ايمانوۆتىڭ مۋرالى اشىلدى

ايماقتار • بۇگىن، 08:41

باتىرلار مەن سامۋرايلار بەينەسى

قازاقستان • بۇگىن، 08:40

ۇقساس جاڭالىقتار