ايماقتار • 14 مامىر، 2021

كاسىپكە باۋلۋ – قاسيەتتى بورىش

10 رەت كورسەتىلدى

بۇگىندە مەملەكەت تەحنيكالىق جانە كاسىپتىك ءبىلىم بەرۋ جۇيەسىنىڭ دامۋىنا، كاسىپتىك جانە تەحنيكالىق مەكەمەلەردە وقىتىلاتىن كاسىپتەر مەن ماماندىقتاردىڭ تۇرلەنۋىنە اسا كوڭىل اۋدارىپ وتىر. وسى ورايدا جەتىسۋداعى كاسىپتىك ءبىلىم بەرەتىن ماڭدايالدى وقۋ ورنىنىڭ ءبىرى – تالدىقورعان سەرۆيس جانە تەحنولوگيا كوللەدجىنىڭ ديرەكتورى، ءبىلىم بەرۋ ءىسىنىڭ قۇرمەتتى قىزمەتكەرى، ى.التىنسارين مەدالىنىڭ يەگەرى ءلاززات بازارقۇلوۆامەن از-كەم اڭگىمەلەسكەن ەدىك.

– ءلاززات تىلەۋبايقىزى، قا­زىرگى عى­لىمي-تەحنيكالىق ءۇردىستىڭ قار­قىن­دى دامۋىنا بايلانىستى ءبىلىم بەرۋ جۇيە­سىنىڭ الدىنا جاڭا تالاپتار قويىلىپ وتىر. كوللەدجدەگى ءبىلىم بەرۋدە قانداي باعىت­تارعا باسىمدىق بەرىلەدى؟

– ارينە، كاسىبي مامانداردى دايارلاۋداعى جالپىعا بىردەي مىندەتتى مەملەكەتتىك ستاندارتىن جۇزەگە اسىرۋدىڭ نەگىزگى مىن­دەتى – عىلىم مەن ءبىلىمدى تاجىريبەمەن ۇشتاس­تىرۋ. تاجىريبە بارىسىندا بولاشاق مامان ءوزىنىڭ كاسىبي ماماندىعى بويىنشا العاشقى تاجىريبەسىن جيناقتاي باستايدى. قازىرگى تاڭدا كاسىپتىك سالادا جان-جاقتى ءبىلىمدى، بىلىكتى، ىسكەر، باسەكەگە قابىلەتتى مامان دايارلاۋدا ءاربىر ءبىلىم الۋشىنى جان-جاقتى ىزدەنۋگە، وزدىگىنەن تىڭ جاڭالىقتار اشۋعا، قاي سالادا بولسىن، عىلىمي جۇمىسقا دەگەن بەيىمدىلىگىن قالىپتاستىرۋ كوزدەلۋدە. بۇگىندە ەگەمەندى ەلىمىزدىڭ دامىعان وتىز ەلدىڭ قاتارىنان كورىنۋى ءۇشىن جاستارىمىز ءبىلىمدى جانە باسەكەگە قابىلەتتى بولۋى كەرەك.

– تالدىقورعان سەرۆيس جانە تەحنولوگيا كوللەدجى – وبلىستاعى كاسىپتىك-تەح­ني­كالىق ءبىلىم بەرۋدە كوش باستاپ كەلە جاتقان، ءبىلىمدى دە بىلىكتى ۇستازدار قىز­مەت اتقاراتىن، كاسىبي مامان دايار­­لاۋ­دا تاجىريبەسى مول، ىرگەلى وقۋ ورىن­دارىنىڭ ءبىرى. جالپى، بىلىمگەرلەر قان­داي ماماندىقتى مەڭگەرۋدە؟

– وقۋ ورنىندا ستۋدەنتتەر تىگىن ءوندى­رىسى جانە كيىمدەردى ۇلگىلەۋ، ديزاين، شاش­تاراز ونەرى جانە ساندىك كوسمەتيكا، تا­ماقتاندىرۋدى ۇيىمداستىرۋ، ەسەپتەۋ تەح­نيكاسى جانە باع­دارلامالىق قام­تا­ماسىز ەتۋ، اقپاراتتىق جۇيەلەر، دانە­كەرلەۋ ءىسى ماماندىقتارى بويىنشا ءبىلىم الۋدا. كوللەدج قابىرعاسىندا باسەكەگە قا­بىلەتتى، بىلىكتى مامان دايارلاۋ ءۇشىن قاجەتتى ماتەريالدىق-تەحنيكالىق بازا قۇرىلىپ، كابينەتتەر، زەرتحانالىق بولمەلەرى، وقۋ-وندىرىستىك شەبەرحانالارى تالاپقا ساي جاساقتالعان. وقۋ وشاعىنىڭ وتكەن جىلداعى ۇلكەن جەتىستىگى – ەلباسى نۇرسۇلتان نازارباەۆتىڭ باستاماسىمەن ەلىمىزدە العاش رەت جۇزەگە اسىپ جاتقان رەسپۋبليكالىق «جاس مامان» جوباسىنا ەنۋى. جوبانىڭ نەگىزگى ماقساتى – 100 سۇرانىسقا يە ماماندىق بويىنشا 180 كوللەدج بەن 20 جوو-نىڭ مودەرنيزاتسيالاۋ، بىلىكتى ماماندار دايارلاۋداعى حالىقارالىق تاجىريبەسىن ەنگىزۋ. سونىڭ نا­تيجەسىندە كوللەدجدىڭ اسپاز-كونديتەر بىلىكتىلىكتەرى بويىنشا وقۋ-وندىرىستىك شەبەرحانالارى مەن ارنايى تەحنولوگيا كابينەتتەرى ەۋروپا، يتاليا، فرانتسيا، شۆەتسيا سىندى ەلدەردىڭ سوڭعى ۇلگىدەگى قۇرال-جابدىقتارىمەن جابدىقتالدى.

– كاسىپتىك ءبىلىم بەرۋ ۇيىمدارىندا ماتەريالدىق-تەحنيكالىق بازانىڭ مىق­تى بولۋى – باستى كورسەتكىش. ويتكەنى زامان تالابىنا ساي تەحنيكالىق جابدىقتار كۇن سايىن وزگەرۋدە. بۇگىن العان پەش نەمەسە تىگىن ماشيناسى ەرتەڭ ءوندىرىس تالابىنا ساي بولماۋى مۇمكىن. ول ءۇشىن نە ىستەۋ كەرەك؟

– ول ءۇشىن ۋاقىتتان قالماي، ءاردايىم وقۋ ورىندارىنىڭ ماتەريالدىق-تەحنيكالىق بازاسىن زامانعا لايىق جاڭارتىپ وتىرۋ كەرەك. «جاس مامان» جوباسى وسىنداي مۇمكىندىك بەردى. ەندى بىزدە وقىپ شىق­قان تۇلەكتەر جۇمىس ورىندارىنا سوڭعى ۇلگىدەگى تەحنيكانىڭ سىرىن مەڭگەرىپ بارادى. بۇل كول­لەدج ءۇشىن دە ۇلكەن بەدەل. ەكىنشىدەن، بولاشاق مامانداردى دايارلاۋدا وقۋ پروتسەسىن وندىرىسپەن بايلانىس­تىرۋ باستى ماسەلە. ويتكەنى وقۋ ورىندارى مەن وندىرىستىك كاسىپورىندارداعى بايلانىسسىز بىلىكتى مامان دايارلاۋ مۇمكىن ەمەس. بولاشاق مامانداردىڭ كاسىپتىك جارامدىلىعى ون­دىرىستىك وقىتۋ بارىسىندا باي­قالادى. ولاردىڭ كوبى وز­دەرىن جان-جاقتى كورسەتۋ بارىسىندا جۇمىسقا ورنالاسۋعا جولداما الادى. وسىعان وراي الدىمىزدا بۇگىنگى قوعام قا­جەتتىلىگىنە ساي مامانداردى دايار­لاۋ مىندەتى تۇر. ءارى ول ماماندارىمىز با­سەكەگە قابىلەتتى، قازىرگى ون­دى­رىسكە بەيىمدەلە الاتىن تۇلعا بولۋى قاجەت.

– بۇگىندە كاسىبي ءبىلىم بەرۋ باڭعىتىن­داعى دۋالدى وقىتۋ ۇعىمى قالىپتاستى. سىز­دەردە بۇل جۇيە قالاي جۇ­زەگە اسىرىلدى؟

– دۋالدى جۇيە بويىنشا بىلىمگەر-تۇلەكتەر ءبىلىم الۋمەن قاتار، كاسىپورىنداردا جۇمىس ىستەۋدى باستايدى. وقۋ­دى بىتىرگەندە بۇل بىلىم­گەرلەر سول كاسىپورىننىڭ جۇ­مىس ەرەكشەلىكتەرىمەن جانە قون­دىرعى-قۇرىلعىلارىمەن تو­لىق تانىسىپ، جۇمىسقا ورنا­لاسۋعا مۇمكىندىك الادى. تالدىقورعان سەرۆيس جانە تەحنولوگيا كوللەدجىندە دۋالدى جۇيەنىڭ العاشقى تاجىريبەسى 2012 جىلى «تىگىن ءوندىرىسى جانە كيىمدەردى ۇلگىلەۋ» ما­ماندىعى بويىنشا باستالدى. تالدىقورعانداعى «اجار» تىگىن فابريكاسىمەن سەرىكتەستىك تۋرالى كەلىسىمشارت جاسالىپ، بۇگىنگى تاڭدا اتالعان ماماندىق بويىنشا بىلىكتى ماماندار دايار­لانۋدا. كوللەدجدەگى دۋالدى وقىتۋ تاجىريبەسى ءداستۇرلى ساباق بەرۋگە قاراعاندا ءوزىنىڭ باسىمدىلىعىن كورسەتىپ، تەو­ريالىق پەن پراكتيكالىق دايار­لىقتى قاتار الىپ جۇرۋگە جاع­داي جاسادى.

– ءلاززات تىلەۋبايقىزى، ۇستاز ءۇشىن شاكىرت­تەرىمەن ماقتانۋ جاقسى ءداستۇر عوي. ءسىزدى ءوز بىلىمگەرلەرىڭىز قالاي قۋانتادى؟

– ءبىزدى قۋانتاتىنى – ءار تالاپكەر كوللەدجگە وقۋعا كەلگەندە ءبىر ماقسات قويىپ كەلەتىنى. بولاشاقتا بىلىكتى مامان بولىپ، ءوز ءىسىن اشامىن دەپ سەنەدى. كوپ جاعدايدا بۇل ارمان-ماقساتتار جۇزەگە اسىپ جاتادى. وعان دالەل قالاداعى ۇلكەن مەيرامحانالاردا، ءسان سالوندارىندا، جارناما ورتالىقتارىندا، اتەلەلەردە ەڭبەك ەتىپ، ابىروي-بەدەلگە يە بولىپ، جەكە كاسىبىن دە اشىپ وتىرعان جاستاردىڭ دەنى ءبىز­دىڭ تۇلەكتەر. جالپى، قازىرگى جاستاردىڭ كəسىپتىك بىلىمگە دەگەن قىزىعۋشىلىقتارىنىڭ ارتا باستاعانىن بايقاۋعا بولادى. ونىڭ ۇستىنە، ەلىمىزگە كاسىبي ماماندار اسا قاجەت. وسى ورايدا جاستاردىڭ تەگىن كاسىپتىك ءبىلىم الۋىنا مەيلىنشە جاعداي جاسالعان. ولار بۇگىندە جۇمىس تابا الماي قالامىن دەگەن قورقىنىشتان دا ادا. ويتكەنى ءبىز وقىتقان ورتا كاسىبي ماماندار ەڭبەك نارىعىندا ءاردايىم سۇرانىسقا يە.

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

تىلگە قۇرمەت – ەلگە قۇرمەت

قازاقستان • بۇگىن، 08:48

ۇقساس جاڭالىقتار