قىرعىز ۇكىمەتىنىڭ باتكەن وبلىسىنداعى وكىلەتتى وكىلدىگىنىڭ ءباسپاسوز قىزمەتى حابارلاعانداي, تۇرمىستىق جاعداي بويىنشا كەلىسپەۋشىلىك باتكەن اۋدانى, كىشتۋت اۋىلدىق وكرۋگى ساي اۋىلى مەن وزبەكستان رەسپۋبليكاسىنىڭ سوح اۋدانى چاشما اۋىلىنىڭ تۇرعىندارى اراسىندا تۋىنداعان.
كوپ ۇزاماي شەكارا ايماعىنا ەكى ەلدى مەكەننىڭ تۇرعىندارى جينالدى.
«وقيعا ورنىنا ەكى ەلدىڭ قۇقىق قورعاۋ ورگاندارى مەن جەرگىلىكتى بيلىكتىڭ وكىلدەرى كەلدى. حالىقپەن ءتۇسىندىرۋ جۇمىستارى جۇرگىزىلىپ جاتىر. قاقتىعىستار بەيبىت جولمەن شەشىلدى», دەپ حابارلادى ەلشىلىك.
سوح جانە باتكەن وبلىستارىنىڭ قۇقىق قورعاۋ ورگاندارى وقيعانى تەكسەرىپ جاتىر. وبلىستىق اكىمشىلىكتىڭ مالىمەتىنە سەنسەك, قازىر قىرعىز-وزبەك شەكاراسىنداعى جاعداي تۇراقتى.
