ايماقتار • 13 مامىر، 2021

الماتىدا ۇرلانعان م ۇلىكتى ساتىپ الۋشىلار ۇستالدى

6 رەت كورسەتىلدى

الماتى پوليتسياسى ۇرلانعان م ۇلىكتىڭ جەتى ءىرى ساتىپ الۋشىسىن ۇستادى، دەپ حابارلايدى Polisia.kz.

«وتكەن جىلى دەپارتامەنتتە ارنايى تەرگەۋ-جەدەل توپتارى قۇرىلىپ، ۇرلىقتاردى اشۋمەن اينالىستى. ۇرلانعان زاتتار ساتىلاتىن ساۋدا ۇيلەرىندە جانە قالانىڭ بازارلارىندا ءىس-شارالار جۇرگىزىلدى. وسى جۇمىستىڭ ناتيجەسىندە ۇرلانعان م ۇلىكتى ساتىپ الىپ وتىرعان جەتى ادام قىلمىستىق جاۋاپكەرشىلىككە تارتىلدى. ۇرلانعان قۇندى زاتتاردىڭ كوپ مولشەرى تاركىلەنىپ ونىڭ ىشىندە 800 ۇيالى تەلەفون، 100 نوۋتبۋك يەلەرىنە قايتارىلدى»، دەدى الماتى قالالىق پد باستىعى قانات تايمەردەنوۆ.

سونىمەن قاتار دەپارتامەنت باسشىسىنىڭ ايتۋىنشا، ۇرلىقتىڭ الدىن الۋ ءۇشىن دە بىرقاتار ءىس-شارالار جۇرگىزىلۋدە.

«قالالىق موبيلدىلىك باسقارماسىمەن بىرگە قالاداعى بارلىق قوعامدىق كولىكتەرگە باقىلاۋ كامەرالارى ورناتىلدى. ءتورت اي ىشىندە قالتا ۇرلىعى ءۇش ەسەگە ازايدى. ۇرلىقتىڭ الدىن الۋداعى ءتيىمدى شارالاردىڭ ءبىرى – دابىلدى جانە باقىلاۋ كامەرالارىن ورناتۋ. حالىق اراسىندا جۇرگىزىلگەن ءتۇسىندىرۋ جۇمىستارىنىڭ ناتيجەسىندە تۇرعىندار ۇيلەرىنە دابىل قاعۋ مەن باقىلاۋ كامەرالارىن بەلسەندى تۇردە ورناتا باستادى. بۇل ۇرلىقتاردىڭ جالپى قىلمىس سانىنداعى ۇلەسىن 70%-دان 40%-عا دەيىن تومەندەتۋگە جانە اشىلۋ دەڭگەيىن جاقسارتۋعا مۇمكىندىك بەردى»، دەدى ق. تايمەردەنوۆ.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار