ايماقتار • 13 مامىر، 2021

ەلوردانىڭ جاسىل بەلدەۋىندە قانداي رەكرەاتسيالىق ايماقتار اشىلادى

10 رەت كورسەتىلدى

تازا اۋادا دەمالۋ ءۇشىن قولايلى جاعداي جاساۋ ماقساتىندا نۇر-سۇلتان قالاسىنىڭ جاسىل بەلدەۋىندە ۇزىندىعى 25 شاقىرىمنان اساتىن ۆەلوجول سالىندى، مۇندا ايالدامالارعا 11 كۇركە-ورىن دا قاراستىرىلعان، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

ۆەلوجول 2011-2016 جىلدارى ەلوردانىڭ جاسىل بەلدەۋىنىڭ وڭتۇستىك-باتىس بولىگى ورامدارىنىڭ اۋماعىندا سالىندى. ول قورعالجىن تاس جولىنان باستالىپ، ەلوردانىڭ جاسىل بەلدەۋىنىڭ «وڭتۇستىك-باتىس بولىگى» جانە «تالدىكول جيناقتاۋشى» ۋچاسكەلەرىنىڭ اۋماعى ارقىلى ءوتىپ، قارقارالى تاس جولىنىڭ جانىندا اياقتالادى.

نىساننىڭ رەكرەاتسيالىق مۇمكىندىكتەرىن كەڭەيتۋ ءۇشىن ەلوردا اكىمدىگى ونى دامىتۋ جۇمىستارىن جۇزەگە اسىرادى. ماسەلەن، ەكى جالعا بەرۋ پۋنكتىنىڭ، ەكى كم جاياۋ جۇرگىنشىلەر جولىنىڭ، ۇزىندىعى التى كم كروسس كانتريىنىڭ، قارقارالى تاس جولى جاعىنان قوسىمشا شاعىن ۆەلوجول شەڭبەرىنىڭ، ءتۇرلى سپورت الاڭدارىنىڭ قۇرىلىسى جانە بالالار ويىن الاڭدارىن جايلاستىرۋ جۇرگىزىلۋدە.

سونىمەن قاتار قالالىق يپپودرومنىڭ جانىندا جاسىل بەلدەۋ مەن ساياباقتىڭ سافاري اۋماعىندا اتپەن ءجۇرۋ ءۇشىن ۇزىندىعى 11 500 مەتر جولدى جابدىقتاۋ جوسپارلانۋدا.

مۇنداي كولەمدى جۇمىس قولجەتىمدى دەمالىس ورىندارىن ۇيىمداستىرۋ ماقساتىندا جۇرگىزىلەدى. سونىمەن قاتار قۇرىلاتىن رەكرەاتسيالىق وبەكتىلەر جاسىل بەلدەۋ لاندشافتىن بەزەندىرىپ، تۋريزم مەن دەمالىستى ۇيىمداستىرۋ ءۇشىن سانيتارلىق-گيگيەنالىق جاعدايلاردى جاقسارتادى.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار