ايماقتار • 13 مامىر، 2021

اتىراۋداعى «سارايشىق» بازارى ساتىلىپ كەتتى

427 رەت كورسەتىلدى

اتىراۋ قالاسىندا بەس جىل بۇرىن اشىلعان «سارايشىق» كوممۋنالدىق بازارى 1،3 ملرد تەڭگەگە ساتىلدى، دەپ حابارلايدى Egemen.kz.

بۇل تۋرالى اتىراۋ قالالىق قارجى ءبولىمىنىڭ باسشىسى مەيىرجان مۇقاسوۆ ءمالىم ەتتى. ونىڭ ايتۋىنشا، «سارايشىق» كوممۋنالدىق بازارى كەيىننەن ساتىپ الۋ قۇقىعىمەن 5 جىل مەرزىمگە «يدەال ماركەت» جشس-ءنىڭ سەنىمگەرلىك باسقارۋىنا بەرىلىپ وتىر. نىساننىڭ قۇنى 1،3 ملرد تەڭگەگە باعالانعان.

«سەنىمگەرلىك باسقارۋعا بەرۋ تەندەر ارقىلى ءوتتى. اۋدانى 2،6 مىڭ شارشى مەترلىك جابىق بازاردا 288 ساۋدا ورنى، سىيىمدىلىعى 2330 توننا ءونىمدى ساقتايتىن اۋدانى 4،4 مىڭ شارشى مەتر قويماسى، 2 گەكتار جەر ۋچاسكەسى بار. بازار 2016 جىلى ىسكە قوسىلدى. بەس جىلدا بازاردىڭ 51،2 ملن تەڭگە كرەديتورلىق بەرەشەگى جيناقتالدى»، دەيدى مەيىرجان مۇقاسوۆ.

كوممۋنالدىق بازاردىڭ جاڭا يەسى –  «يدەال ماركەت» جشس بەس جىل ىشىندە كرەديتورلىق قارىزىن وتەپ، ساۋدا نىسانىنىڭ باستاپقى ماقساتىن وزگەرتپەۋدى، الەۋمەتتىك ماڭىزى بار ازىق-ت ۇلىك باعاسىن تۇراقتى ۇستاپ تۇرۋ مەن جۇمىس ورىندارىن ساقتاۋدى مىندەتىنە الىپ وتىر.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار