12 مامىرداعى اقپارات بويىنشا 66 كاسىپكەرلىك نىسان QR كود الىپ, جوبا اياسىندا جۇمىس جاساۋدا. ولاردىڭ 43-ءى قوعامدىق تاماقتانۋ قىزمەتى, 11-ءى كومپيۋتەرلىك كلۋب, 2-ەۋى بيليارد, 2-ءۋى فيتنەس ورتالىعى, 2-ەۋى باسسەين, 2-ەۋى سپا-ورتالىعى, 2 كينوتەاتر, 1 بوۋلينگ ورتالىعى, 1 ساۋنا. جوباعا قاتىسۋشىلاردىڭ 61-ءى قىزىلوردا قالاسىنىڭ كاسىپكەرلەرى. ال 3-ەۋى شيەلى اۋدانىنىڭ, 1-ەۋى قازالىنىڭ, 1-ەۋى ارال اۋدانىنىڭ كاسىپكەرلەرى», دەدى پىرمۇحاممەد سىزدىقوۆ.
ءباسپاسوز ءماسليحاتىندا وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ۇلبوسىن احاناەۆا «Ashyq» جوباسى ەنگىزىلگەننەن بەرى قىزىلوردا قالاسىندا كاسىپكەرلىك نىسانعا كىرمەك بولعان «قىزىل» جانە «سارى» ستاتۋستاعى 6 ادام انىقتالعاندىعىن جەتكىزدى. ولاردىڭ 1-ەۋى ناقتى ناۋقاس, ۆيرۋس انىقتالعان «قىزىل» ستاتۋستاعى ازامات بولسا, 5-ەۋى اۋىرعان ازاماتتارمەن قارىم-قاتىناستا بولعان «سارى» ستاتۋستاعى ادامدار.
ايتا كەتۋ كەرەك, «Ashyq» – قوعامدىق ورىنداردا كەلۋشىلەردى تىركەۋ قوسىمشاسى. قوعامدىق ورىنعا كىرەبەرىستە پايدالانۋشى ارنايى QR-كودتى سكانەرلەپ, ونى اكىمشىگە كورسەتەدى. كود كەلۋشىنىڭ ستاتۋسىن انىقتايدى. كەلۋشىلەرگە ستاتۋس پتر زەرتتەۋلەرىنىڭ بىرىڭعاي ينتەگراتسيالىق پورتالى جانە دەنساۋلىق ساقتاۋ مينيسترلىگى جانىنداعى سovid-19-ءتى باقىلاۋ ورتالىعى اقپاراتتىق جۇيەلەرىن سالىستىرۋ نەگىزىندە تاعايىندالادى.
«قىزىل» ءتۇس ەگەر ادام پتر-تەستىن تاپسىرىپ, وڭ ناتيجە شىقسا بەرىلەدى. وسى ستاتۋستىڭ يەسىنە ۇيدە وقشاۋلانۋ رەجيمىن قاتاڭ ۇستانۋ كەرەك.
«سارى» ءتۇس ناۋقاس اداممەن بايلانىستا بولعان ادامدارعا بەرىلەدى. ولارعا ازىق-ت ۇلىك نەمەسە ءۇي جانىنداعى دارىحاناعا بارۋعا رۇقسات ەتىلەدى, بىراق باسقا نىساندارعا بارۋعا تىيىم سالىنادى.
«كوك» ءتۇس پتر-تەستىلەۋ تاپسىرۋ مىندەتتى ورىنداردان (مىسالى, اۋەجاي) باسقا بارلىق جەرگە بارۋ رۇقسات.
«جاسىل» ءتۇس – ءجۇرىپ-تۇرۋعا تولىعىمەن رۇقسات بەرىلەدى دەگەن ءسوز.
QR-كود بيزنەس سۋبەكتىلەرىنە عانا بەرىلەدى. ول سۋبەكت اتاۋى, ونىڭ ورنالاسقان جەرى جانە باسقا دا سايكەستەندىرۋ دەرەكتەرىن كورسەتۋمەن ەلەكتروندى يدەنتيفيكاتوردى بىلدىرەدى. 1 نىسانعا كىرەبەرىستە جانە شىعا بەرىستە ەڭ كەمى 2 QR -كود بەرىلەدى. ەگەر نىساندا بىرنەشە كىرىپ-شىعۋ جولى بولسا, وندا ءار كىرەبەرىسكە جەكە QR -كود بەرىلەدى.
