اقتوبە قالاسىنداعى جالعىز قوقىس پوليگونى تاعى ورتەنىپ جاتىر. وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, ءورت اۋماعى 500 شارشى مەتردى قۇراپ وتىر. وقيعا ورنىنا 7 ءورت ءسوندىرۋشى مەن 2 تەحنيكا جىبەرىلدى. «قازىر قوقىس پوليگونىنا جاۋاپتى مەردىگەر كومپانيا جۇمىسشىلارى دا ءورت ءسوندىرۋ جۇمىستارىنا جۇمىلدىرىلدى. بىرەر كۇن بۇرىن جانعان اۋماقتان 300-400 مەتر قاشىقتىقتان تاعى ءورت شىعىپ وتىر», - دەپ حابارلادى وبلىستىق توتەنشە جاعدايلار دەپارتامەنتى ءباسپاسوز قىزمەتى.
ەسكە سالا كەتەيىك, 9 مامىر كۇنى ءورتتى ءسوندىرۋ ءۇشىن 800 توننا قۇم توسەلىپ, 130 توننا سۋ سەبىلدى. جالپى قوقىس پوليگونىنداعى قالدىقتىڭ تەرەڭدىگى 15 مەترگە جەكتەن.
