ANTIKOR • 12 مامىر، 2021

جەمقورلىق فاكتىلەرى تۋرالى اقپارات بەرگەندەر اقشالاي ماراپاتتالدى

36 رەت كورسەتىلدى

ماڭعىستاۋ وبلىسىندا سىبايلاس جەمقورلىق فاكتىلەرى تۋرالى حابارلاعان تۇلعالار ماراپاتتالدى، دەپ حابارلايدى Egemen.kz.

سىبايلاس جەمقورلىق فاكتىلەرى تۋرالى حابارلاعان تۇلعالاردى ىنتالاندىرۋ جەمقورلىققا قارسى ءىس-قيمىلدىڭ پارمەندى تەتىگى بولىپ تابىلادى.

بيىل وڭىردە سىبايلاس جەمقورلىق فاكتىلەرى تۋرالى حابارلاعان 5 تۇلعا 760 مىڭ تەڭگە كولەمىندەگى سىياقىمەن ماراپاتتالدى. بۇل تۋرالى Antikor ورتالىعىندا وتكەن بريفينگتە ماڭعىستاۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ اسا ماڭىزدى ىستەر جونىندەگى تەرگەۋشىسى زۋلفيا ابيشاەۆا مالىمدەدى.

«سىبايلاس جەمقورلىق فاكتىسى تۋرالى حابارلاعان ادامداردى قورعاۋ ءتيىستى تۇردە جۇزەگە اسىرىلادى. قر «سىبايلاس جەمقورلىققا قارسى ءىس-قيمىل تۋرالى» زاڭىنا سايكەس، مۇنداي جاعدايلار تۋرالى حابارلاعان ادام اقشالاي قاراجاتپەن عانا ەمەس، سونىمەن قاتار مەملەكەتتىڭ قورعاۋىندا بولادى. ال سىبايلاس جەمقورلىق فاكتىلەرىن حابارلاعان ادام تۋرالى اقپارات مەملەكەتتىك قۇپيا بولىپ تابىلادى»، دەدى ز.ابيشاەۆا.

ايتا كەتەيىك، سىبايلاس جەمقورلىق فاكتىلەرىنە تاپ بولعان جاعدايدا قر سىبايلاس جەمقورلىققا قارسى ءىس-قيمىل اگەنتتىگىنىڭ 1424 call ورتالىعىنا نەمەسەدەپارتامەنتتىڭ 8 (7292) 319110 كەزەكشى تەلەفونىنا قوڭىراۋ شالۋعا بولادى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار