ايماقتار • 12 مامىر، 2021

قىزىلوردا وبلىسىندا 72 مىڭنان استام ادامعا ۆاكتسينا سالىندى

23 رەت كورسەتىلدى

قىزىلوردا وبلىسىندا 72 015 ادام كوروناۆيرۋسقا قارسى ۆاكتسينا سالدىردى، دەپ حابارلايدى Egemen.kz.

وڭىرگە 76 585 دوزا ۆاكتسينا جەتكىزىلگەن. ونىڭ ىشىندە تۇرعىندار «سپۋتنيك V»، «QazVac» جانە «Hayat-Vax» ۆاكتسينالارىن قابىلداۋعا نيەت ءبىلدىردى. وتكەن تاۋلىكتە 1 486 ادام ەكپە قابىلداعان ازاماتتار تىزىمىنە ەنگىزىلدى. ولاردىڭ قاتارىندا مۇعالىمدەر، مەديتسينا قىزمەتكەرلەرى، پوليتسەيلەر، قۇقىق قورعاۋ قىزمەتكەرلەرى جانە باسقا دا تۇرعىندار بار. جالپى العاندا، وبلىستا 72 015 ادام كوروناۆيرۋسقا قارسى ۆاكتسينا سالدىردى.

«ايتا كەتەرلىگى، ەكپە قابىلداعان ازاماتتاردىڭ 31 185-ءى وبلىس ورتالىعىندا تۇرسا، 40 830-ى اۋدانداردىڭ ۇلەسىنە تيەدى. ەكپە العان تۇرعىندار دارىگەرلەر باقىلاۋىندا، دەنساۋلىق جاعدايىنا شاعىمى جوق»، دەپ ءمالىم ەتتى قىزىلوردا وبلىستىق دەنساۋلىق ساقتاۋ باسقارماسىنىڭ وكىلى.

قىزىلوردادا ەمدەۋ ورىندارى كوروناۆيرۋسقا قارسى ۆاكتسينانى اپتاسىنا جەتى كۇن بويى سالادى. بۇل جۇمىستار 29 ساۋىردەن باستاپ جۇرگىزىلۋدە. تۇرعىندار تاڭعى ساعات 08:00-دەن تۇنگى ساعات 00:00-گە دەيىن ۆاكتسينا سالدىرا الادى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار