ونىڭ تۇرعىلىقتى مەكەن-جايىنا جۇرگىزىلگەن تەكسەرۋ بارىسىندا كوپقاباتتى ءۇيدىڭ جەرتولەسىنەن 4 كەلىدەن اساتىن, اۆتوكولىگىندە 300 گراممعا جۋىق ماريحۋانا ساقتاعاندىعى بەلگىلى بولدى. زاتتاي دالەلدەمەلەر الىنىپ, ساراپتاماعا جولداندى.
كۇدىكتى ازامات ەسىرتكىنى قالا تۇرعىنىنان العانىن ايتىپ, قازىر ونىڭ تيەسىلى ەكەنىن تولىعىمەن مويىندادى.
سونىمەن قاتار, كۇدىكتىلەردىڭ تۇرعىلىقتى مەكەن-جايىنا ءتىنتۋ تەرگەۋ ارەكەتىن جۇرگىزۋ بارىسىندا گازەت قيىندىلارىنا ورالعان ەسىرتكى زاتتارىمەن قوسا ونى تۇتىنۋعا ارنالعان قۇرالدار تابىلىپ, زاتتاي دالەلدەمە رەتىندە الىندى.
ەكى كۇدىكتى دە قىزىلوردا قالالىق پوليتسيا باسقارماسىنىڭ ۋاقىتشا ۇستاۋ اباقتىسىنا قاماققا الىندى.
قازىرگى ۋاقىتتا اتالعان ەسىرتكى قىلمىسىنا باسقا دا تۇلعالاردىڭ قاتىستىلىعى تەكسەرىلىپ, قازاقستان رەسپۋبليكاسى قىلمىستىق كودەكسىنىڭ 297-بابىنىڭ 1-بولىگى بويىنشا سوتقا دەيىنگى تەرگەپ – تەكسەرۋ امالدارى جۇرگىزىلۋدە.
قىزىلوردا وبلىسى پوليتسيا دەپارتامەنتى ناشاقورلىققا جانە ەسىرتكى بيزنەسىنە قارسى كۇرەسكە باعىتتالعان ءىس – شارالاردى بەلسەندى تۇردە جالعاستىرۋدا.
«وبلىس جىل باسىنان بارلىعى 45 ەسىرتكى قىلمىسى انىقتالدى. ونىڭ ىشىندە, ەسىرتكى مەن پسيحوتروپتىق زاتتاردى وتكىزۋ ماقساتىنسىز زاڭسىز جۇمىس ىستەۋدىڭ 33, ەسىرتكىنى اسا ءىرى مولشەردە ساقتاۋدىڭ 1, وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋدىڭ 10, ناسيحاتتاۋ نەمەسە زاڭسىز جارنامالاۋدىڭ 1 دەرەگى انىقتالدى. زاڭسىز اينالىمنان 20 كەلىگە جۋىق ەسىرتكى تاركىلەندى», دەيدى قىزىلوردا وبلىسى پوليتسيا دەپارتامەنتىنىڭ باستىعى, پوليتسيا پولكوۆنيگى بەكتورە سۇلتان.
