ايماقتار • 12 مامىر، 2021

ەلوردانى گازداندىرۋ جۇمىستارى قالاي ءجۇرىپ جاتىر؟

20 رەت كورسەتىلدى

ەلوردا اكىمى التاي كولگىنوۆ Instagram پاراقشاسىندا قالانى گازداندىرۋ بويىنشا جۇمىستىڭ قالاي ءجۇرىپ جاتقانى تۋرالى ايتتى، دەپ حابارلايدى Egemen.kz.

«ەلوردانىڭ جەكە سەكتورىن گازداندىرۋ جۇمىستارىن جالعاستىرامىز. تاعى ءبىر ەلدى مەكەندە (كوكتال-1) گاز تاراتۋ جەلىلەرىنىڭ قۇرىلىسى اياقتالدى. وندا قازىر ىسكە قوسۋ-جوندەۋ جۇمىستارى (سىعىمداۋ، ۇرلەۋ) جۇرگىزىلۋدە. قالا ەلدى مەكەندەرىندە بارلىعى 345 كم استام ورامىشىلىك گاز تاراتۋ جەلىلەرى سالىندى.

تۇرعىن ۇيلەردى ارالاۋدى جالعاستىرامىز. كۇيگەنجار، ينتەرناتسيونالنىي، ميچۋرينو ەلدى مەكەندەرىندەگى گازداندىرۋ بارىسىمەن تانىستىم. «قازترانسگاز ايماق» اق وسى ەلدى مەكەن تۇرعىندارىنىڭ ۇيلەرىن جاڭا جىلىتۋ ماۋسىمىندا گازعا قوسۋدى جوسپارلاپ وتىر»، دەيدى قالا اكىمى.

ەلوردا اكىمىنىڭ ايتۋىنشا، وسى جىلىتۋ ماۋسىمىندا وڭتۇستىك-شىعىس، پرومىشلەننىي، كوكتال-1، اگروقالاشىق ەلدى مەكەندەرىنىڭ تۇرعىندارى دا گازعا قوسىلۋ مۇمكىندىگىنە يە بولادى. قازىر گاز تاراتۋ جەلىلەرىن سالۋ جۇمىستارى جۇرگىزىلىپ جاتىر.

وتكەن جىلىتۋ ماۋسىمىندا گاز تاراتۋ جەلىلەرى جەلەزنودوروجنىي، كوكتال-2، اگروقالاشىقتىڭ ءبىر بولىگىندە جۇرگىزىلدى. گازداندىرۋ باستالعان ساتتەن باستاپ از قامتاماسىز ەتىلگەن وتباسىلارعا ۇيلەردى گازعا كوشىرۋ بويىنشا الەۋمەتتىك كومەك كورسەتۋ تەتىگى ەنگىزىلدى.

«ەلدى مەكەندەردى ارالاۋ كەزىندە تۇرعىندارمەن اۋدانداردىڭ ودان ءارى دامۋىن تالقىلايمىز. بۇل ينجەنەرلىك-جول ينفراقۇرىلىمى، الەۋمەتتىك تۇرعىن ءۇي، مەكتەپتەر، مەديتسينالىق نىساندار، جولدار سالۋ جانە ت. ب. ماسەلەلەر. سونداي-اق قوعامدىق كەڭىستىكتەر مەن اۋلالاردى اباتتاندىرۋ، كوگالداندىرۋ، جارىقتاندىرۋ جانە ت. ب. ماسەلەلەر. تۇرعىنداردان كوتەرگەن ماسەلەلەردى جوسپارعا الامىز.

ەلوردانى گازداندىرۋ مەن ەلدى مەكەندەردى دامىتۋ – مەملەكەت باسشىسىنىڭ باقىلاۋىندا»، دەپ جازدى التاي كولگىنوۆ.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

ۇقساس جاڭالىقتار