ءبىلىم • 12 مامىر، 2021

NIS جاس عالىمدارى حالىقارالىق دەڭگەيدە تانىلدى

18 رەت كورسەتىلدى

 NIS زياتكەرلىك مەكتەپ وقۋشىلارى وڭتۇستىك كورەيادا وتكەن «جاس عالىم» حالىقارالىق عىلىمي جوبالار بايقاۋىندا التى بىردەي التىن مەدالدى جەڭىپ الدى، دەپ حابارلايدى Egemen.kz.

ەكىنشى جىل قاتارىنان جاس عالىمداردىڭ ءداستۇرلى سلەتى ونلاين فورماتتا ۇيىمداستىرىلىپ كەلەدى. حالىقارالىق بايقاۋدىڭ ۇيىمداستىرۋشىلارى – WOOSONG ۋنيۆەرسيتەتى، SOLBRIDGE حالىقارالىق بيزنەس مەكتەبى (وڭتۇستىك كورەيا) جانە «GLOBAL ساپا» وو. جوبالار ماتەماتيكادان ەكولوگياعا دەيىن، حيميادان اقپاراتتىق تەحنولوگيالارعا دەيىن ءتۇرلى باعىتتاردى قامتيدى. وسى بايقاۋدا قاراعاندى، وسكەمەن، كوكشەتاۋ جانە نۇر-سۇلتان قالالارىنداعى زياتكەرلىك مەكتەپتەردىڭ وقۋشىلارى ءوز جۇمىستارىن حالىقارالىق كوميسسيانىڭ نازارىنا ۇسىندى. جاس عالىمداردىڭ تىڭ ازىرلەمەلەرى ءارتۇرلى باعىتتاردا، ياعني جاڭالىقتار فيزيكا، ينفورماتيكا، تەحنيكا، سونداي-اق ەكونوميكا مەن ادەبيەت سالالارى بويىنشا كورىنىس تاپتى.

بايقاۋ قورىتىندىسى بويىنشا جەتى جوبا ۇزدىكتەر قاتارىنان كورىندى. 1-ورىندى انۋار ديۋسەنبەكوۆ پەن فارحاد نۋرلانوۆ  «سوققى سيپاتتامالارىن انىقتاۋعا ارنالعان بالاۋىز جانە گرافيت نەگىزىندەگى كومپوزيتتىك سەنسور كومەگىمەن باسكەتبول دوبىن سىناۋ» (قاراعاندى ق. NIS) جوباسى ءۇشىن ەنشىلەسە، دiلناز سەيiلحانوۆا «پوليمەرلى ماتەريالداردان قالدىقتاردى وڭدەۋ: قايتالاما شيكىزاتتان بۇيىمدار جاساۋ جانە ولاردىڭ قاسيەتتەرىن زەرتتەۋ» (وسكەمەن ق. NIS)، قاسىم گابدۋشەۆ «شاعىن جانە ورتا بيزنەس ەل ەكونوميكاسىن دامىتۋدىڭ نەگىزگى فاكتورى رەتىندە. قازاقستان ەكونوميكاسىنا شوب ماڭىزدىلىعى مەن اسەرىن كورسەتۋ ءۇشىن، سونداي-اق بولجامدار ءۇشىن ماتەماتيكالىق مودەلدەردى پايدالانۋ» (نۇر-سۇلتان قالاسىنداعى NIS IB) جۇمىسى ءۇشىن يەلەندى. 2-ورىندا ماعجان ساعىنعانوۆ «شىعىس قازاقستان كەن ءىسى تاريحىنىڭ اقتاڭداقتارى: تاۋ جاستارى ءومىرىنىڭ بەلگىسىز پاراقتارى» (وسكەمەن ق. NIS)، ال يلياس ۋمۋربەكوۆ  «ىم ءتىلىنىڭ كورنەكى اۋدارماشىسى» (كوكشەتاۋ ق. NIS) جوباسىمەن ەرەكشەلەنسە، 3-ورىندا ايشا بايماعامبەتوۆا «ۆ. ميحايلوۆتىڭ « ۇلى جۇت شەجىرەسى» دەرەكتى پوۆەسىندەگى اشتىق بەينەسىنىڭ سەمانتيكاسى» (كوكشەتاۋ ق. NIS) جوباسىمەن الدىڭعى ورىنعا لايىق دەپ تانىلدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

ۇقساس جاڭالىقتار