سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وقىس وقيعا 7 مامىر كۇنى بولعان. قىزىلجار اۋداندىق پوليتسيا بولىمىنە تاڭعى ساعات 8.05-تە بايتەرەك اۋىلىندا 30 ناۋرىز كۇنى تۋعان ءسابيدىڭ قايتىس بولعانى جايىندا حابار تۇسكەن.
ءتارتىپ ساقشىلارى ءسابيدى قاراۋ كەزىندە ەشقانداي دەنە جاراقاتىن كورمەگەن. بالانىڭ دەنەسى سوت-مەديتسينالىق ساراپتاماعا جىبەرىلدى. ماماندار «ەمشەكتەگى ءسابيدىڭ كەنەتتەن بولعان ءولىمى» دەپ قورىتىندى شىعاردى. قايتىس بولعان ءسابيدىڭ 25 جاستاعى اناسىنىڭ ايتۋىنشا, 6 مامىردان 7 مامىرعا قاراعان ءتۇنى ول تاڭعى ساعات 5.00 شاماسىندا ويانىپ, بالاسىن ەمىزگەن. كەيىن ۇيىقتاتىپ, ءوزى دە ۇيىقتاۋعا جاتقان. تاڭەرتەڭ ساعات 7.30 شاماسىندا ويانعان ول بالاسىنىڭ دەمالماي جاتقانىن كورگەن. تۋعاندارى بىردەن دارىگەر شاقىرعان.
قازىر اتالعان دەرەك بويىنشا ءتيىستى تەرگەۋ امالدارى جۇرگىزىلىپ, ءىس جان-جاقتى قارالىپ جاتىر.
