ەكونوميكا • 12 مامىر، 2021

ۇكىمەت باسشىسى ەل ەكونوميكاسى ءوسۋ جولىنا تۇسكەنىن ايتتى

22 رەت كورسەتىلدى

بۇگىن ۇكىمەت وتىرىسىندا پرەمەر-مينيستر اسقار مامين 2021 جىلدىڭ 4 ايىنىڭ قورىتىندىسىندا قازاقستان ەكونوميكاسى ءوسۋ جولىنا تۇسكەنىن ءمالىم ەتتى، دەپ حابارلايدى Egemen.kz.

«بيىلعى 4 ايدىڭ قورىتىندىسى بويىنشا قازاقستان ەكونوميكاسى ءوسۋ جولىنا ءتۇستى. قابىلدانعان شارالاردىڭ ارقاسىندا ەكونوميكانىڭ، ونىڭ ىشىندە، قىزمەتتەر مەن تاۋارلار وندىرىسىندە ءوسۋدىڭ وڭ قارقىنى قامتاماسىز ەتىلدى. وسى جىلعى قاڭتار-ساۋىردەگى ۇلتتىق ءوندىرىستىڭ ءوسۋ قارقىنى 0،7 پايىزدى قۇرادى. ەكونوميكانىڭ قالپىنا كەلۋ سەرپىنى ءوندىرىستىڭ بارلىق سالالارىندا بايقالدى. جالپى ىشكى ءونىمنىڭ وسۋىنە شيكىزاتتىق ەمەس سەكتور ەڭ ۇلكەن ۇلەس قوستى. بيىلعى جىلعى 4 ايدىڭ ناتيجەسى بويىنشا وڭدەۋ ونەركاسىبىندە ءوسۋ 7،7 پايىزدى قۇرادى. بۇل – سوڭعى 10 جىلداعى ەڭ جوعارى ءوسىم قارقىنى»، دەدى ۇكىمەت باسشىسى.

اسقار مامين سونداي-اق ماشينا جاساۋدا 20،6 پايىز، ونىڭ ىشىندە اۆتوموبيل جاساۋدا 25،4، لوكوموتيۆتەر مەن ۆاگوندار وندىرىسىندە 49،7، ەلەكتر قۇرالدارىنىڭ وندىرىسىندە 10،2، كومپيۋتەرلەر، ەلەكتروندى جانە وپتيكالىق قۇرالدار وندىرىسىندە 52،3 پايىز دەنگەيىندە جوعارى ءوسۋ قارقىنى بايقالعانىن ايتتى.

سونداي-اق وڭدەۋ سەكتورىندا حيميا ونەركاسىبى، جەڭىل ونەركاسىپ، ونىڭ ىشىندە كيىم ءوندىرىسى; مەتاللۋرگيا، ونىڭ ىشىندە ءتۇستى جانە قارا مەتاللۋرگيا; تاماق ونىمدەرى، فارماتسەۆتيكا جانە مۇناي وڭدەۋ سياقتى سالالار جوعارى سەرپىن كورسەتتى.

قۇرىلىس سەكتورىندا قۇرىلىس ماتەريالدارىنىڭ ءوندىرىسىن 26،5، قۇرىلىستى 12،5 جانە تۇرعىن ءۇيدى پايدالانۋعا بەرۋدى 13،3 پايىز نەمەسە 3،5 ملن شارشى مەتردى قوسا العاندا، ءوسۋدىڭ جوعارى قارقىنى قامتاماسىز ەتىلدى. اۋىل شارۋاشىلىعىندا ءوسۋ قارقىنى 3 پايىزدى قۇرادى.

«سالانىڭ تارتىمدىلىعى ءوسۋىنىڭ ارقاسىندا نەگىزگى كاپيتالعا سالىنعان ينۆەستيتسيا – اۋىل شارۋاشىلىعى مەن تاماق ونىمدەرىنىڭ وندىرىسىندە 50 پايىزدان استام ارتتى. تاۋ-كەن ءوندىرىسىن ەسەپكە الماعاندا، ەكونوميكادا نەگىزگى كاپيتالعا سالىنعان ينۆەستيتسيا 32،3 پايىزعا ءوستى. ەكونوميكا ءوسىمىنىڭ اسا ماڭىزدى فاكتورلارىنىڭ ءبىرى – قىزمەت كورسەتۋ سەكتورىنداعى وڭ ديناميكا بولدى. ساۋدا، بايلانىس، جىلجىمايتىن م ۇلىكپەن وپەراتسيالار، قارجى جانە ساقتاندىرۋ قىزمەتى سياقتى كورسەتىلەتىن قىزمەتتەر سالالارىندا وڭ ءوسۋ قارقىنى بايقالادى»، دەدى اسقار مامين.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار