قازاقستان • 12 مامىر، 2021

اسەت ەرعاليەۆ وڭدەۋ ونەركاسىبىندە ءوسىم بار وڭىرلەردى اتادى

11 رەت كورسەتىلدى

بيىل 4 ايدا 3،5 ملن شارشى مەتر تۇرعىن ءۇي پايدالانۋعا بەرىلدى. بۇل تۋرالى بۇگىن ۇكىمەت وتىرىسىندا قر ۇلتتىق ەكونوميكا ءمينيسترى اسەت ەرعاليەۆ ايتتى، دەپ حابارلايدى Egemen.kz.

«جالپى وڭدەۋ ونەركاسىبى بويىنشا ءوسۋ 7،7 پايىزعا دەيىن جەدەلدەدى. 13 ءوڭىر وڭدەۋ ونەركاسىبىندە وڭ ءوسىم كورسەتتى. ەڭ جوعارعى ءوسۋ الماتى مەن نۇر-سۇلتان قالالارىندا جانە الماتى وبلىسىندا بايقالادى. وڭدەۋ ونەركاسىبىندە تومەندەۋ 4 وڭىردە بايقالىپ وتىر: باتىس قازاقستان، اتىراۋ، تۇركىستان جانە شىعىس قازاقستان وبلىستارىندا»، دەدى مينيستر.

ءمينيستردىڭ ايتۋىنشا، كوپتەگەن وڭىردە جوعارى ينۆەستيتسيالىق بەلسەندىلىك بار. ەڭ جوعارعى كورسەتكىش الماتى، نۇر-سۇلتان قالالارىندا، تۇركىستان جانە جامبىل وبلىستارىندا بايقالادى. تومەندەۋ باتىس قازاقستان جانە اتىراۋ وبلىستارىندا تىركەلدى.

«قۇرىلىس سالاسى جوعارى ءوسۋ ديناميكاسىن كورسەتۋدە. ورىندالعان قۇرىلىس جۇمىستارىنىڭ كولەمى 12،5 پايىزعا ۇلعايدى. باتىس قازاقستان وبلىسىن قوسپاعاندا، بارلىق وڭىرلەر وڭ ءوسىم كورسەتتى. قۇرىلىس-مونتاجداۋ جۇمىستارىنىڭ جوعارعى ءوسۋى تۇركىستان، قىزىلوردا وبلىستارىندا جانە الماتى قالاسىندا بايقالادى»، دەدى ول.

مينيستر تۇرعىن ءۇي قۇرىلىسى بەلسەندى جۇرگىزىلىپ جاتقانىن اتاپ ءوتتى.

«وسى جىلعى قاڭتار-ءساۋىر قورىتىندىسى بويىنشا تۇرعىن ءۇيدى پايدالانۋعا بەرۋ 13،3 پايىزعا ءوسىپ، 3،5 ملن شارشى مەتردى قۇرادى. پاۆلودار جانە الماتى وبلىستارىنان باسقا بارلىق وڭىرلەر وڭ ءوسىم كورسەتتى»، دەدى اسەت ەرعاليەۆ.

سوڭعى جاڭالىقتار

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار