گەنەرال پانفيلوۆتىڭ جيەنى الۋا بايقاداموۆا اتايدىڭ شاڭىراعىنا ارنايى كەلىپ قۇتتىقتاعان بولسا, ۇلتتىق ۇلاننىڭ 5571 اسكەري ءبولىمىنىڭ وركەسترى سوعىس جىلدارىنداعى اندەردى تامىلجىتا ورىندادى. وتكەنگە سالاۋات ايتقان ەرىكتىلەر قاۋىمى دا يگى شارادان قالىس قالماي, جاستىق جالىنىن سۇراپىل سوعىسقا بەرگەن جاۋىنگەرگە قۇرمەت كورسەتتى. ءوز كەزەگىندە قايىرلى ۋاتاي ۇلى كوپشىلىك قاۋىمعا العىسىن ءبىلدىرىپ, مايدان دالاسىنداعى ەستەلىكتەرىن ءبولىستى.
«مەن سوعىسقا اتتانعاندا 20 جاستا ەدىم. ءبىز جاۋ اسكەرىن ماسكەۋگە 30 شاقىرىم قالعاندا توقتاتتىق. قاراشانىڭ اياعى, جەلتوقساننىڭ باسىندا قايتا قارسى شابۋىلعا شىقتىق. سودان فاشيست ارمياسىن ماسكەۋدەن 150 شاقىرىم قاشىقتىققا قۋىپ تاستادىق. ءبىزدىڭ جەڭىسكە جەتۋگە دەگەن رۋحىمىز كۇشتى بولدى. مۇنداي زوبالاڭدى ەندى ەشكىمنىڭ باسىنا بەرمەسىن», دەگەن ارداگەر جاستارىمىز وسىناۋ بەيبىت ءومىردىڭ قادىرىن بىلسە ەكەن دەگەن تىلەگىن جەتكىزدى.
«سوعىس سالعان قاندى قاسىرەت تالايلاردىڭ ارمانىن تۇنشىقتىردى. تالاي بوزداق ءتۇتىنىن دە تۇتەتىپ ۇلگەرە الماستان, ومىرىمەن قوش ايتىستى. شۇكىر, ۇرپاعىمىز مامىراجاي زاماندا تىرشىلىك كەشىپ جاتىر. بۇل ۇلكەن باقىت. باسىمىزداعى بەيبىت تاڭدى باعالايىق. ەل ىرگەسى بەرىك, تاۋەلسىزدىگىمىز باياندى بولسىن», دەدى قاريا.
قايىرلى ۋاتاي ۇلى 1921 جىلى 10 قىركۇيەكتە شىعىس قازاقستان وبلىسى سامار اۋدانىندا دۇنيەگە كەلگەن. ەڭبەك جولىن 1940 جىلى شىعىس قازاقستان وبلىسىنىڭ قۇلجا ورتا مەكتەبىندە مۇعالىم بولىپ باستاعان ول 1941 جىلى قازان ايىندا پانفيلوۆ ديۆيزياسىنىڭ 23-ءشى گۆارديالىق پولكىنە قىزىل اسكەر رەتىندە الىندى. ارداگەر سوعىسقا باسىنان اياعىنا دەيىن قاتىسقان. ول قۇرامىندا بولعان 316-اتقىشتار ديۆيزياسى 1941 جىلى الماتىدا قۇرىلدى. الدىمەن 1941 جىلى 16-ارميا قۇرامىندا ماسكەۋدى قورعاۋ سوعىسىنا قاتىستى. پانفيلوۆ باسقارعان ديۆيزيا سوعىستاعى ەرلىگى ءۇشىن 8-اتقىشتار گۆاردياسى اتاعىن الدى. قىزىل تۋ, «لەنين» وردەندەرىمەن ماراپاتتالدى. سوعىستان كەيىن سامار اۋداندىق اتقارۋ كوميتەتىندە ءبولىم مەڭگەرۋشىسى بولىپ قىزمەت ىستەگەن قايىرلى قاريا ءارى قاراي اۋداندىق تۇتىنۋشىلار وداعىندا باسشىلىق لاۋازىمداردا بولعان. 1970-1983 جىلدارى الماتىداعى قوعامدىق تاماقتاندىرۋ جۇيەسىندە شارۋاشىلىق ەسەپ ديرەكتورى قىزمەتىن اتقاردى. 1983 جىلى قۇرمەت دەمالىسىنا شىققان ارداگەر بەس بالا تاربيەلەپ ءوسىردى.
