الەۋمەتتىك جەلىلەردە اتالعان وقيعاعا قاتىستى ۆيدەولار تارادى.
توتەنشە جاعداي 11 مامىر كۇنى الماتى وبلىسى شامالعان اۋىلىندا بولعان. جازبا سيپاتتاماسىنداعى مالىمەتكە سۇيەنسەك, پاراپلان ەلەكتر تاراتۋ جەلىلەرىنە ءىلىنىپ, ءۇزىپ كەتكەن. الدىن الا مالىمەتتەر بويىنشا, پاراپلان اۋا اعىنىنا تۇسكەندىكتەن, باسقارىلماي قالعان.
الماتى وبلىسى دەنساۋلىق ساقتاۋ باسقارماسى زارداپ شەككەندەردىڭ جاعدايىن ايتتى.
«1971 جىلى تۋعان ناۋقاس جانساقتاۋ بولىمىنە جاتقىزىلدى. جاعدايى اۋىر. دياگنوزى: جابىق باس سۇيەك, مي جاراقاتى, مي كونتۋزياسى, بىرنەشە سۇيەكتىڭ سىنۋى. 2004 جىلى تۋعان ناۋقاس تراۆماتولوگيالىق بولىمشەگە جاتقىزىلدى. جاعدايى ورتاشا اۋىر. دياگنوزى: جابىق باس سۇيەك, مي جاراقاتى, مي شايقالۋى, ومىرتقانىڭ جابىق كومپرەسسيالىق سىنۋى», دەدى الماتى وبلىسى قوعامدىق دەنساۋلىق ساقتاۋ باسقارماسى وكىلدەرى.
