قالانىڭ دجاۋداتا فايزي كوشەسى, 8 مەكەنجايىندا ورنالاسقان №175 مەكتەپتە بەلگىسىز ادامدار وقۋشىلارعا وق جاۋدىرعان. سونىمەن قاتار جارىلىس بولدى دەگەن اقپارات بار.
ءبىلىم ورداسىنا جاقىن جەردە بولعان كۋاگەرلەر اتىس كەزىندە مەكتەپ تەرەزەلەرىنەن سەكىرىپ كەتكەن بالالاردىڭ ۆيدەولارىن ينتەرەنتتە تاراتتى.
ۆيدەودا اتىلعان وق پەن قاتار شىرىلداعان بالالاردىڭ داۋىسى دا قاتار ەستىلەدى. رەسەيلىك باق-تا تارالعان مالىمەتتەرگە سەنسەك, وق اتقانداردىڭ ءبىرى ۇستالعان. كۇدىكتىنىڭ جاسى 19-دا. ءدال قازىر جاعداي تۇراقتى.
جانتۇرشىگەرلىك وقيعا سالدارىنان وقۋشىلار قورقىپ قالعان. ەۆاكۋاتسيالانعان بالالارمەن پسيحولوگتار جۇمىس ىستەپ جاتىر.
وقيعا ورنىنا 21 جەدەل جاردەم بريگاداسى جىبەرىلدى.
سونداي-اق تاتارستان پرەزيدەنتى رۋستام ميننيحانوۆ پەن رەسپۋبليكانىڭ دەنساۋلىق ساقتاۋ ءمينيسترى مارات سادىقوۆ جانە وبلىس پروكۋرورى يلدۋس نافيكوۆ تا وقيعا بولعان جەردە ءجۇر.
قالانىڭ بارلىق ءبىلىم بەرۋ مەكەمەلەرىندە قاۋىپسىزدىك شارالارى كۇشەيتىلە باستادى.
