ءبىلىم • 11 مامىر، 2021

ءۇندىستاننان الماتىعا ستۋدەنتتەردى «جاسىرىن» اكەلمەك بولعاندار انىقتالدى

40 رەت كورسەتىلدى

قاۋىپتى ىندەت ءورشىپ تۇرعان ءۇندىستاننان الماتىعا ستۋدەنتتەردى «جاسىرىن» اكەلمەك بولعاندار انىقتالدى. بۇل تۋرالى ءماسليحات سەسسياسىندا قالا اكىمى باقىتجان ساعىنتاەۆ ءمالىم ەتتى، دەپ حابارلايدى Egemen.kz

اكىمنىڭ ايتۋىنشا، الماتىعا ستۋدەنتتەردى جوو-لار اكەلگىسى كەلگەن، بۇل جوسپارلى ءىس-شارا بولعان.

«بىزدە بريتاندىق جانە وڭتۇستىكافريكالىق شتامم بار. ەندى اللا ساقتاسىن، بىزگە ۇندىستاندىق شتامم كەلمەسىن. جاقىندا بىزدە ءۇندىستاننان جوسپارلى تۇردە ستۋدەنتتەردى اكەلگىسى كەلگەندەر انىقتالدى. ول جاقتان ءبارى قاشىپ جاتىر. ال ءبىزدىڭ كەيبىر رەكتورلارىمىز ۋنيۆەرسيتەت تابىس تابۋى ءۇشىن ءۇندىستاننان ستۋدەنتتەردى شاقىرىپ ءجۇر. ولار بىزگە ءۇندى شتامىن اكەلەدى دەپ ويلاپ وتىرعان جوق. ەشكىمگە بىلدىرتپەي اكەلمەك بولعان، بىراق ءبىز ونى توقتاتتىق»، دەدى الماتى اكىمى باقىتجان ساعىنتاەۆ.

سونىمەن قاتار ول دەپۋتاتتار مەن مەكەمە باسشىلارىن حالىق اراسىندا ۆاكتسيناتسيا بويىنشا ءتۇسىندىرۋ جۇمىسىن جۇرگىزۋگە شاقىردى.

سوڭعى جاڭالىقتار

ۇقساس جاڭالىقتار