«مەملەكەت باسشىسى «قاشىقتان وقۋ جۇيەسىنە كوشكەن كەزدەگى ەڭ ماڭىزدى قۇرالدىڭ ءبىرى – ەلەكتروندى وقۋلىقتار بولماق. ءبىلىم جانە عىلىم مينيسترلىگى وقۋلىقتاردى ۆەدومستۆونىڭ اقىسىز قۇقىقتارىن بەكىتىپ بەرە وتىرىپ, ولاردى كەزەڭ-كەزەڭىمەن تسيفرلىق فورماتقا كوشىرۋ جوسپارىن ازىرلەۋگە ءتيىس» دەگەن بولاتىن. وتاندىق باسپالار مەن وقۋلىقتاردىڭ ەلەكتروندى نۇسقالارىن اقىسىز پايدالانۋ ماسەلەسى كەلىسىلدى», دەپ جازدى بەرىك ءۋالي Facebook پاراقشاسىنا.
پرەزيدەنتتىڭ ايتۋىنشا, 1-11 سىنىپتارعا ارنالعان بارلىق ەلەكتروندى وقۋلىقتار ءبىلىم جانە عىلىم مينيسترلىگىنىڭ سايتىندا جاريالاندى.
«تەحنيكالىق جانە كاسىپتىك ءبىلىم بەرۋ جۇيەسىندە كولدەدجدەردىڭ 100%-ى وتىزدان استام پلاتفورماعا قول جەتكىزە الادى. 21 000-نان استام تسيفرلىق رەسۋرستاردى قامتيتىن كاتالوگ قۇرىلدى. 12 368 بەينەساباق, 3 848 ەلەكتروندى وقۋلىق, 5 771 قوسىمشا ماتەريال, 30 368 ۇستاز ءىت قۇزىرەتى بويىنشا بىلىكتىلىگىن ارتتىردى. قاشىقتان وقۋ پلاتفورمالاريا مەن باعدارلامالارىن پايدالانا وتىرىپ 20-دان استام نۇسقاۋلىق ازىرلەندى», دەيدى ول.
