اقتوبەدە سۋعا ءتۇسۋ ماۋسىمى باستالعان جوق. ەسكەرتۋگە قاراماستان بەلگىلەنبەگەن جەردە سۋعا تۇسكەن ادامدار جاعاعا قايتا شىقپاي قالعان.
ء«بىرىنشى جاعداي̆ قوبدا اۋدانىنىڭ قوبدا وزەنىندە تىركەلدى. 1996 جىلى تۋعان ازامات ماس كۇي̆ىندە سۋعا ءتۇسىپ, باتىپ كەتكەن. قۇتقارۋشىلاردىڭ كۇشىمەن ازاماتتىڭ دەنەسى 4 مەتر تەرەڭدىكتەن جاعاعا شىعارىلدى.
ال 8 مامىر كۇنى اقتوبە قالاسىنداعى جىڭىشكە وزەنىندە بەلگىسىز ادامنىڭ دەنەسى تابىلعانى تۋرالى حابارلاما كەلىپ ءتۇستى. وقيعا ورنىنا قۇتقارۋشىلار جەدەل تۇردە جىبەرىلىپ, وزەن جاعاسىنان 2 مەتر قاشىقتىقتا جانە 1 مەتر تەرەڭدىكتەن 1944 جىلى تۋعان اي̆ەلدىڭ دەنەسى سۋدان شىعارىلدى. اي̆تا كەتۋ كەرەك قازا بولعان ازاماتشا سىرت كيىمىن شەشپەگەن. وقيعانىڭ ءمان-جاي̆ىن انىقتاۋ ءۇشىن پوليتسيا قىزمەتكەرلەرى تەرگەۋ جۇرگىزىپ جاتىر», دەپ حابارلادى وبلىستىق تجد ءباسپاسوز قىزمەتى.
سونداي-اق 9 مامىر كۇنى حرومتاۋ اۋدانىنداعى وي̆سىلقارا وزەنىندە قايعىلى جاعداي تىركەلدى. اۋداندىق پوليتسيا ءبولىمىنىڭ مالىمەتىنە ساي̆كەس, 1960 جىلى تۋعان ازامات جولداستارىمەن بالىق اۋلاۋعا بارىپ, ماس كۇي̆ىندە سىرت كيىممەن سۋعا ءتۇسىپ كەتكەن. 61 جاستاعى ازاماتتىڭ دەنەسى قاسىندا بولعان كۋاگەرلەردىڭ كۇشىمەن جاعاعا شىعارىلعان.
