جاڭا قىزمەتكە تاعايىندالعانعا دەيىن سەرىك قۇسايىنوۆ الماتىنىڭ المالى اۋدانىنىڭ اكىمى بولعان.
قۇسايىنوۆ سەرىك دوسىمحان ۇلى 1964 جىلعى 8 مامىردا الماتى وبلىسىنىڭ شامالعان ستانتسياسىندا دۇنيەگە كەلگەن.
قازاق اۋىل شارۋاشىلىعى ينستيتۋتىن «ينجەنەر-ەلەكتريك» ماماندىعى بويىنشا, رەسەي فەدەراتسياسىنىڭ پرەزيدەنتى جانىنداعى حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن. مەملەكەتتىك جانە مۋنيتسيپالدىق باسقارۋ ماگيسترى.
ءار جىلدارى الماتى كوممۋنالدىق شارۋاشىلىق كاسىپورىندارىندا شەبەر, باس ينجەنەر, باسقارۋشى ديرەكتور, قالانىڭ ەنەرگەتيكا جانە كوممۋنالدىق شارۋاشىلىق باسقارماسىنىڭ باسشىسى, الماتى اكىمى اپپاراتىنىڭ باسشىسى, المالى اۋدانىنىڭ اكىمى بولىپ جۇمىس ىستەگەن.
