بۇگىن ريددەر ورمانشىلىعىنىڭ 2 گەكتارداي القابىن قىزىل جالىن شارپىدى.
وقيعا ورنىنا وبلىستىق توتەنشە جاعدايلار دەپارتامەنتىنىڭ ورمان شارۋاشىلىعى جانە ءورت ءسوندىرۋ قىزمەتكەرلەرى جەتتى. ءورت سوندىرۋگە بارلىعى 6 تەحنيكا جانە جەكە قۇرامنان 100-دەن استام ادام جۇمىلدىرىلدى.
ءتىلسىز جاۋ لاپىلداپ بارا جاتقاندىقتان, مي-8 اۆياورمانقورعاۋ تىكۇشاعى دا كوككە كوتەرىلدى. مامانداردىڭ پىكىرىنشە, ءورت ابايسىزدىقتان شىققان.
توتەنشە جاعداي دەپارتامەنتى قىزمەتكەرلەرى تابيعاتتا وتقا اسا ساقتىقپەن قاراۋ كەرەكتىگىن ەسكەرتەدى. مۇمكىن بولسا, وت جاقپاۋعا كەڭەس بەرەدى. ايتا كەتەرلىگى, ءورت قاۋىپسىزدىگى ەرەجەلەرىن ساقتاماعانى ءۇشىن اكىمشىلىك جاۋاپكەرشىلىك قاراستىرىلعان.
