ايماقتار • 10 مامىر، 2021

اتىراۋ تۇرعىنى جايىققا باتقان بالانى قۇتقاردى

170 رەت كورسەتىلدى

اتىراۋدىڭ تۇرعىنى جايىققا باتقان 8 جاسار بالانى قۇتقارىپ قالدى.
وقىس وقيعا كەشە، 9 مامىردا بولعان. ساعات 15:16-دا راكۋشا ەلدى مەكەنىنىڭ تۇرعىنى وبلىستىق جەدەل جاردەم ستانساسىنا 8 جاستاعى بالانىڭ سۋعا باتقانى تۋرالى حابار بەرگەن، دەپ جازادى Egemen.kz

كەيىننەن ءبىر توپ بالانىڭ جايىق وزەنىنە شومىلۋعا بارعانى انىقتالعان. ونىڭ ءبىرى سۋدان شىعا الماي قالعان. جايىققا باتقان بالانى سول ماڭنان ءوتىپ بارا جاتقان جۇرگىنشى قۇتقارىپ، دارىگەرلەر كەلگەنگە دەيىن العاشقى مەديتسينالىق كومەك كورسەتكەن.

«شاقىرتۋعا جەدەل مەديتسينالىق جاردەمنىڭ دارىگەرلىك بريگاداسى جىبەرىلدى. دارىگەرلەر 8 مينۋتتان كەيىن شاقىرتۋ ورنىنا بولدى. ولار كەلگەنگە دەيىن العاشقى كومەك كورسەتىلگەن. تەكسەرۋ كەزىندە زارداپ شەككەن 8 جاستاعى بالانىڭ سۋدى كوپ مولشەردە جۇتقانى انىقتالدى. دارىگەرلەر ونى وبلىستىق بالالار اۋرۋحاناسىنا جەتكىزدى»، دەپ ءمالىم ەتتى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار