الەم • 10 مامىر، 2021

توكيولىقتار وليمپيادانىڭ وتۋىنە نارازى

28 رەت كورسەتىلدى

جاپونيا استاناسى توكيودا وليمپيادا ويىندارىنىڭ وتۋىنە قارسىلىق بىلدىرگەن حالىق ەرەۋىلگە شىقتى، دەپ حابارلايدى Egemen.kz

تۇرعىندار سپورتتىق شارادان كەيىن كوروناۆيرۋس ىندەتىنىڭ ۋشىعىپ كەتۋىنە الاڭداۋشىلىق ءبىلدىردى.

ۇلتتىق ستاديون الدىندا جينالعانداردىڭ ايتۋىنشا، پاندەميا كەزىندە جارىستى وتكىزۋ ورىنسىز. سونىمەن قاتار نارازى تاراپ وليمپيادانىڭ كەدەيلەرگە كەسىرى ءتيۋى مۇمكىن ەكەنىن ايتتى.

سەبەبى قازىردىڭ وزىندە جاپونيا بيلىگى قازىنادان 15 ميلليارد 4 ميلليون دوللار قاراجات جۇمساعان. ال حالىقارالىق وليمپيادا كوميتەتى بولسا تەلەكورسەتىلىم ارقىلى بۇل سوما وتەلىپ ميللياردتاعان كىرىس كەلەتىنىنە سەنىمدى.

«سوڭعى كەزدەرى وليمپيادا ويىندارىنا قارسى شىققانداردىڭ سانى ارتىپ بارادى. بۇعان ايماقتاعى ەپيدەميالىق احۋالدىڭ ۋشىعۋى سەبەپ. بۇل الاڭداداتىن جايت. سوندا دا شارانى توقتاتۋ مۇمكىن ەمەس سياقتى. ءتىپتى ايتارعا ءسوزىم جوق»، دەيدى جەرگىلىكتى تۇرعىن كۋميكو سۋتو.

 

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار