قازاقستان • 09 مامىر، 2021

كوروناۆيرۋستان قايتىس بولعانداردىڭ ستاتيستيكاسىنا قاتىستى جالعان اقپارات تارادى

21 رەت كورسەتىلدى

قازا تاپقاندار سانى بويىنشا ستاتيستيكادان اسىپ كەتۋى جونىندەگى اقپارات شىندىققا سايكەس كەلمەيدى، دەپ حابارلايدى دەنساۋلىق ساقتاۋ مينيسترلىگى.

قر دەنساۋلىق ساقتاۋ مينيسترلىگى دەنساۋلىق كورسەتكىشتەرى جانە باعالاۋ ينستيتۋتىنىڭ (ihme، اقش) «COVID-19 جالپى ءولىم-ءجىتىمىن باعالاۋ» اتتى جاريالانعان زەرتتەۋىندە اقپاراتقا قاتىستى ايقىندىق ەنگىزۋدە.

قر ستراتەگيالىق جوسپارلاۋ جانە رەفورمالار جونىندەگى اگەنتتىگىنىڭ  ستاتيستيكا بيۋروسىنىڭ دەرەكتەرىنە سايكەس 2020 جىلدىڭ قورىتىندىسى بويىنشا كوروناۆيرۋستىق ينفەكتسيادان قايتىس بولعاندار سانى 4 729 ادامدى قۇرادى. 2021 جىلدىڭ 4 ايىندا كۆي-دان قايتىس بولعاندار سانى 1 846 ادامدى قۇرادى.

وسىلايشا، پاندەميا باستالعاننان بەرى قازاقستاندا كۆي-دەن 81 696 ادام ەمەس، 6 575 ادام قايتىس بولدى. دەنساۋلىق كورسەتكىشتەرى جانە باعالاۋ ينستيتۋتىنىڭ كورسەتكىشتەرىنىڭ دۇرىس ەمەستىگى ايقىندالدى. (ihme، اقش) (بۇدان ءارى-ينستيتۋت)

سونىمەن قاتار، ۇلتتىق ستاتيستيكا بيۋروسىنىڭ الدىن الا دەرەكتەرى بويىنشا 2020 جىلى قايتىس بولعانداردىڭ سانى 2019 جىلمەن سالىستىرعاندا 21،8% - عا نەمەسە 29 124 ادامعا ارتىپ، 133 489 ادامعا قاراعاندا 162 613 ادامدى قۇرادى. وسىلايشا، ارتىق ءولىم-ءجىتىم 29 124 ادامدى قۇرادى، بۇل ينستيتۋتتىڭ مالىمدەلگەن كورسەتكىشتەرىن دە جوققا شىعارادى.

انىقتاما. كۆي – 4 729 ادام نەمەسە 16،2% - دى قوسپاعاندا، ادامدار باسقا دا ولىمنەن قايتىس بولىپ جاتتى:
- قان اينالىمى جۇيەسىنىڭ اۋرۋلارى، تىنىس الۋ ورگاندارىنىڭ اۋرۋلارى، جۇيكە جۇيەسىنىڭ اۋرۋلارى، جۇقپالى جانە پارازيتتىك اۋرۋلار.

جوعارىدا باياندالعاننىڭ نەگىزىندە  «COVID-19-دان جالپى ءولىمدى باعالاۋ» دەنساۋلىق كورسەتكىشتەرى جانە باعالاۋ ينستيتۋتىنىڭ (ihme، اقش) جۇرگىزگەن زەرتتەۋلەرىنە سايكەس جاريالانعان ستاتيستيكالىق دەرەكتەر قازاقستان رەسپۋبليكاسىندا تىركەلگەن ناقتى دەرەكتەرگە سايكەس كەلمەيتىنىن حابارلايمىز.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار