ايماقتار • 08 مامىر، 2021

99 جاستاعى مايدانگەردىڭ اۋلاسىندا پوليتسيا كونتسەرت قويدى

99 رەت كورسەتىلدى

سقو پد مادەني ورتالىعىنىڭ قىزمەتكەرلەرى بوستاندىق كوشەسىندەگى 54-ءشى ءۇيدىڭ اۋلاسىندا 99 جاستاعى مايدانگەر گريگوري كراسيلنيكوۆكە ارناپ شاعىن كونتسەرت قويىپ بەردى، دەپ حابارلايدى Egemen.kz.

ۆەدومستۆو باستىعى، گەنەرال-مايور مارات تولەباەۆ گريگوري كراسيلنيكوۆتى كەلە جاتقان جارقىن مەرەكە – جەڭىس كۇنىمەن قۇتتىقتادى. مايدانگەرگە ىشكى ىستەر ءمينيسترى، پوليتسيا گەنەرال-لەيتەنانتى ەرلان تۇرعىمباەۆتىڭ قۇتتىقتاۋ جەدەلحاتى تابىستالدى، سونداي-اق وعان ءتۇرلى سىيلىقتار بەرءىلءدى.

مامىردىڭ وسىناۋ شۋاقتى كۇنىندە اۋلاعا بالالارىن ەرتە كەلگەن كورشىلەرگە دە تولدى. ولار پوليتسەيلەردى قوشەمەتتەپ قارسى الىپ، وتتى جىلداردا ايتىلعان "تۋچي ۆ گولۋبوم"، "زدەس پتيتسى نە پويۋت"، "سمۋگليانكا"، "دەن پوبەدى" سياقتى اندەردى تىڭدادى. بۇلدىرشىندەرگە وسىدان تۋرا ءبىر عاسىر بۇرىن، 1921 جىلى تۋعان ىشكى ىستەر ورگاندارىنىڭ ارداگەرىن كورۋ، ونىمەن اڭگىمەلەسۋ باقىتى بۇيىردى.

گۆارديا اعا سەرجانتى گ.كراسيلنيكوۆ ءۇيىنە1945 جىلدىڭ قاراشا ايىندا ورالعان. كسرو ءىىم سۆەردلوۆسك مەكتەبىن بىتىرگەننەن كەيىن سولتۇستىك قازاقستان وبلىسىنا جىبەرىلەدى. شيرەك عاسىرءومىرىن ول قىلمىستىق-اتقارۋ جۇيەسىندەگى جەدەلقىزمەتكە ارناعان.

جالپى، سقو ىشكى ىستەر ورگاندارىندا 700-دەن استام مايدانگەر ەڭبەك ەتكەن. ۇلى جەڭىستىڭ 76 جىلدىعىن ولاردىڭ تەك ەكەۋى - گريگوري كراسيلنيكوۆ پەن نيكيتا سەمەنوۆ قارسى الۋدا. 10 مامىر كۇنى پوليتسيا گەنەرال-مايورى مارات تولەباەۆ نيكيتا گەراسيموۆيچكە دە بارىپ، 101-ءشى تۋعان كۇنىمەن قۇتتىقتايدى.

سولتۇستىك قازاقستان وبلىسى

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار