سول ءبىر كەزەڭدە قاراورمان قازاقتى قايعى قۇشاعىنا قالدىرعان وتتى جىلداردىڭ ەستەلىگى ارداگەرلەردىڭ كوكەيىندە شەجىرە كۇيىندە ساقتاۋلى تۇر. ال, ەلگە ورالماي, مايدان دالاسىندا شەيىت كەتكەن ەرلەردىڭ ەرلىگى دە ەشقاشان ۇمىتىلمايدى.
بۇگىندە جامبىل وڭىرىندە ۇلى جەڭىس كۇنى مەرەكەسىنە وراي شارالار باستالىپ كەتتى. جەرگىلىكتى ازاماتتار دا ارداگەرلەردىڭ شاڭىراقتارىندا بولىپ, ولاردى ايتۋلى كۇنىمەن قۇتتىقتاۋدا. ارينە, وت كەشكەن تۇلعالار قانداي قۇرمەتكە دە لايىقتى. سونداي-اق, ۇلى جەڭىس مەرەكەسى قارساڭىندا جامبىل وبلىسىنىڭ اكىمى بەردىبەك ساپارباەۆتىڭ باستاماسىمەن ۇلى وتان سوعىسىنا قاتىسۋشىلار مەن سوعىس مۇگەدەكتەرىنە 1 ميلليون تەڭگەدەن بىرجولعى كومەك بەرىلدى. مۇنداي كومەكتى ايماقتا تۇراتىن 36 ارداگەر الدى. سونىمەن قاتار, 3477 تىل ەڭبەككەرىنە, 298 قازا تاپقان جاۋىنگەردىڭ اتا-انالارى مەن جەسىرلەرىنە 50 مىڭ تەڭگەدەن بەرىلدى. جالپى, وبلىس بويىنشا 225,1 ميلليون تەڭگەگە بىرجولعى كومەك كورسەتىلدى.
جامبىل وبلىسى
