ايماقتار • 08 مامىر، 2021

قىزىلوردا اياق سۋ تاپشىلىعىن تارتپاۋى ءتيىس

120 رەت كورسەتىلدى

قىزىلوردا قالاسىنىڭ اكىمى عانيبەك قازانتاەۆ وبلىس ورتالىعىن اياق سۋمەن قامتاماسىز ەتءىلۋءى مەن سۋ تارتۋعا ارنالعان ناسوستىق قۇرىلعىلار جۇمىسىمەن تانىستى. قالا اكىمى الدىمەن تاۋەلسىزدىك داڭعىلىنىڭ بويىندا ورنالاسقان ناسوستىق قۇرىلعىنىڭ جاي-كۇيىن كوردى، دەپ حابارلايدى Egemen.kz.

داريا دەڭگەيىنىڭ تومەندەۋىنە بايلانىستى بۇل جەردەن اياق سۋ تارتۋ مۇمكىن بولماي تۇر. سونىڭ سالدارىنان تۇرعىندار اياق سۋدان تاپشىلىق كورۋدە. جاۋاپتىلار جاعدايدى وڭالتۋ ماقساتىندا ناسوستى قايتا ورنالاستىرۋ جۇمىستارىن جۇرگىزىپ جاتىر.

ابىلقايىر حان كوشەسىندەگى سۋ تارتۋ قۇرىلىعىسىنىڭ دا جۇمىسىن باستاۋىنا سۋ دەڭگەيىنءىڭ تومەندەۋى كەدەرگى بولىپ تۇر. قالا اكىمىنىڭ ورىنباسارى ەلمۇرات راحماتۋللاەۆتىڭ ايتۋىنشا قوسالقى قۇبىر جالعاپ، سۋ شىعارۋعا بولادى. شاھار باسشىسى مامىر ايىنىڭ 10-نا دەيىن ءتيىستى جۇمىستاردى جۇرگىزىپ، ناسوستى ىسكە قوسۋدى جۇكتەدى.

سىر انا مونۋمەنتىنىڭ جانىنان سۋ تارتىپ، اراي كانالىنا جىبەرەتىن ناسوستىڭ دا ورنىن الماستىرىپ، قايتا قۇرۋ جۇمىستارى جۇرگىزىلۋدە.                    سىرداعى سۋدىڭ تومەندىگى ناسوستى بىرنەشە مەتر تومەن ءتۇسىرۋدى قاجەت ەتكەن. ورىن الماستىرۋ جۇمىستارى 10-مامىردا تولىعىمەن اياقتالاتىن بولادى. «سىردىڭ جاعاسىندا تۇرىپ، اياق سۋدان تاپشىلىق كورمەۋىمىز كەرەك»، - دەگەن شاھار باسشىسى ناسوستى مەجەلەگەن ۋاقىتتان كەشىكتىرمەي قوسۋ كەرەك ەكەندىگىن باسا ايتتى.

ال جىبەك جولى كانالىنا سۋ ايدايتىن ستانتسيا 20-ساۋىردەن باستاپ جۇيەلى جۇمىس ىستەپ تۇر. ن.نازارباەۆ داڭعىلىنىڭ بويىندا ورنالاسقان قالاداعى نەگىزگى ارىق جۇيەلەرىن اياق سۋمەن  قامتيتىن ستانتسيادا 4 ناسوستىق قۇرىلعى ورناتىلعان. ونىڭ ەكەۋى ءۇزىلىسسىز جۇمىس ىستەسە، قالعان ەكەۋى قوسالقى قۇرىلعىلار. قالا اكىمى بۇل اۋماقتاعى ناسوستاردىڭ دا جۇمىسىمەن تانىستى.

جالپى قالا بويىنشا ۇزىندىعى 54،6 شاقىرىم ارىق جۇيەلەرى مەن                   31،3 شاقىرىم بولاتىن 20 كانال بار. كانالدار بويىنا قالانى اياق سۋمەن قامتۋعا ارنالعان 13 ناسوس قوندىرعىلارى ورناتىلسا،قوسىمشا جاسىل جەلەكتەردى سۋارۋعا ارنالعان ارنايى 11 دانا جەر استى ۇڭعىمالارى جۇمىس ىستەيدى.

ارالاۋ بارىسىندا شاھار باسشىسى قالانى اياق سۋمەن قامتۋ كۇن تارتىبىنەن تۇسپەيتىن وزەكتى ماسەلە ەكەندىگىن ايتىپ، ماسەلەنىڭ تولىققاندى شەشىمىن  تاۋىپ، ءتۇيتكىلدىڭ ءتۇيىنىن تارقاتۋ جولدارى ءالى دە قاراستىرىلاتىندىعىن جەتكىزدى.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار