ايماقتار • 08 مامىر، 2021

ارىستا ارداگەرلەرگە ارنالعان ورتالىق اشىلدى

13 رەت كورسەتىلدى

جەڭىس كۇنى مەرەكەسى قارساڭىندا ارىس قالاسىندا ورنالاسقان بۇرىنعى تويحانا عيماراتى ارداگەرلەرگە ارنالعان ورتالىق رەتىندە پايدالانۋعا بەرىلدى. اسەم عيماراتتا قاريالاردىڭ باس قوسىپ، جيىن وتكىزۋىنە، تىنىعىپ، شىعارماشىلىقپەن اينالىسۋىنا بارلىق جاعداي جاسالعان.

قالا اكىمى گۇلجان قۇرمانبەكوۆانىڭ باستاماسىنا قولداۋ تانىتقان جەرگىلىكتى كاسىپكەر وسىلايشا تويحانا عيماراتىن ارداگەرلەر ورتالىعىنا اينالدىرىپ وتىر. زاماناۋي ۇلگىدە قايتا جابدىقتالعان ورتالىقتىڭ اشىلۋ سالتاناتىنا تۇركىستان وبلىسىنىڭ اكىمى ومىرزاق شوكەەۆ قاتىسىپ، قاريالاردىڭ قۋانىشىنا ورتاقتاستى. ارداگەرلەر ورتالىعىندا قالالىق ارداگەرلەر كەڭەسى مەن وندا جۇمىس ىستەيتىن ازاماتتارعا ارنالعان كابينەتتەر، شاحمات-دويبى، بيليارد، تەننيس ۇستەلدەرى بار. سونىمەن بىرگە تۇزبەن ەمدەۋ جانە سەنسورلىق بولمە، تەراپەۆت دارىگەرى مەن ماسساج ءبولىمى بارلىق قاجەتتى جابدىقتارمەن قامتىلعان. ارىس قالاسىنداعى 6200-دەن استام ارداگەرلەرگە قىزمەت ەتەتىن، «بەلسەندى ءومىر ءسۇرۋ ۇزاقتىعى» قاعيداتى بويىنشا جۇمىس ىستەيتىن ورتالىقتا كىتاپحانا مەن سپورتتىق ترەناجەرلار دا بار.

قالا اكىمى گۇلجان مامىتقىزىنىڭ ايتۋىنشا، مەرەكەگە وراي تارتۋ ەتىلگەن عيماراتتاعى ۇيلەستىرۋ جۇمىستارىن ارىس قالالىق جۇمىسپەن قامتۋ جانە الەۋمەتتىك باعدارلامالار بولىمىنە قاراستى «اسىل جۇرەك» الەۋمەتتىك ورتالىعى جۇرگىزەتىن بولادى.

 

تۇركىستان وبلىسى

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار