سىرتقى ىستەر مينيسترلىگىنىڭ ايتۋىنشا, گرۋزيانىڭ قۇقىق قورعاۋ ورگاندارى ەلشىلىككە بەرگەن اقپاراتقا سايكەس, وسى جىلعى 5 مامىردا تبيليسي قالاسىنداعى ءبىر ءۇيدىڭ تەرەزەلەرىنىڭ استىنان قازاقستان ازاماتىنىڭ دەنەسى تابىلعان.
«الدىن الا مالىمەت بويىنشا, اتالعان قىز 9 قاباتتان قۇلاپ مەرت بولعان. گرۋزيانىڭ پوليتسياسى ءوزىن-ءوزى ءولتىرۋ حالىنە جەتكىزۋ دەگەن كۇدىكپەن قىلمىستىق ءىس قوزعادى. پوليتسيا كۇدىكتىنى قاماۋعا الدى. باسقا اقپارات تەرگەۋ مۇددەلەرى ءۇشىن جاريا ەتىلمەيدى», دەلىنگەن حابارلامادا.
سونداي-اق, رەسمي مالىمدەمەدە گرۋزياداعى قازاقستان ەلشىلىگىنىڭ كونسۋلى مارقۇمنىڭ وتباسىمەن ۇنەمى بايلانىستا ەكەنى دە ايتىلعان.
ءسىم ءباسپاسوز قىزمەتىنىڭ مالىمەتىنشە, بۇل ءىس ەلشىلىكتىڭ ەرەكشە باقىلاۋىنا الىندى. قازاقتاننىڭ سىرتقى ىستەر مينيسترلىگى قر ازاماتىنىڭ دەنەسىن وتانعا جەتكىزۋدى ۇيىمداستىرۋدا جان-جاقتى كومەك كورسەتۋدە.
