قازاقستان • 07 مامىر، 2021

ەرلىك پەن پاتريوتيزم مەكتەبى

51 رەت كورسەتىلدى

قازاقستان ءوزىنىڭ قارۋلى كۇشتەرىن ۋاقىت تالابىنا ساي قۇرا ءبىلدى. تاۋەلسىزدىك جىلدارىندا قارۋلى كۇشتەرىمىز ايبىنىمىزدى اسىرىپ، قارىم-قابىلەتىمىزدى الەمگە كورسەتىپ كەلەدى. ال مەملەكەتىمىزدىڭ ىشكى قاۋىپسىزدىگىن قامتاماسىز ەتىپ، تۇرعىنداردىڭ تىنىشتىعىن ساقتاۋدا – ۇلتتىق ۇلاننىڭ اتقارىپ كەلە جاتقان مىندەتى زور.

ەگەمەندىك دەكلاراتسياسى جاريالان­عاننان كەيىن، نەبارى 26 كۇننەن سوڭ، پرە­زيدەنت جارلىعىمەن ىشكى ىستەر مي­­نيستر­لىگىنىڭ ىشكى اسكەرى، بۇگىنگى ۇلت­تىق ۇلان قۇرىلدى. 29 جىل بويى ۇلان­دىق اسكەري قىزمەتشىلەر ابىرويمەن ەڭبەك ەتىپ كەلەدى. وسى جىلدار ىشىندە قۇقىق­تىق ءتارتىپ اسكەرى ۋاقىت تالابىنا ساي دا­مىپ كەلەدى. 2014 جىلدىڭ 21 ءساۋىرى كۇنى ەلباسى نۇرسۇلتان نازارباەۆ ءوز جار­لىعىمەن ءىىم ىشكى اسكەرىنىڭ زاڭدى مۇرا­گەرىنە «ۇلتتىق ۇلان» مارتەبەسىن بەردى.

ۇلتتىق ۇلان جەكە قۇرامى وزدەرىنە جۇكتەلگەن مىندەتتەردى ابىرويمەن اتقا­رۋدا. ازاماتتاردىڭ قۇقىقتارى مەن قاۋىپسىزدىگىن جانە قوعام قۇندىلىقتارىن، تەرريتوريا تۇتاستىعىن، مەملەكەت مۇد­دەسىن قورعاۋدا قىراعىلىقتىڭ جوعارى ۇلگىسىن كورسەتىپ كەلەدى. اسكەردىڭ الەۋەتىن ارتتىرۋ ماقساتىندا ەلباسى جارلى­عى­مەن 2015 جىلدىڭ 10 قاڭتارىندا «قا­زاقستان رەسپۋبليكاسىنىڭ ۇلتتىق ۇلانى تۋرالى» زاڭ قابىلداندى. وندا اسكەرگە جاڭا مىندەتتەر جۇكتەلدى. جالپى تاۋەلسىزدىك جىلدارى وفيتسەرلەر كورپۋسى، كەلىسىمشارت بويىنشا اسكەري قىز­مەتشىلەر، مەرزىمدى قىزمەتتەگى ساربازدار حالىقتىڭ مۇددەسى ءۇشىن كەز كەلگەن مىندەتتى ورىنداي الاتىنىن دالەلدەدى.

ۇلتتىق ۇلان ىشكى ىستەر ورگاندارى­نىڭ بىرىڭعاي جۇيەسىنە كىرەدى جانە جەكە ادامنىڭ، قوعام مەن مەملەكەتتىڭ قا­ۋىپ­سىزدىگىن قامتاماسىز ەتۋگە، ادامنىڭ جانە ازاماتتىڭ قۇقىقتارى مەن بوستان­دىق­تارىن قىلمىستىق جانە وزگە دە قول سۇعۋشىلىقتان قورعاۋعا ارنالعان. قا­­ل­ىپ­تاسۋ، قۇرىلۋ، دامۋ كەزەڭىندە ءبىز ىشكى ىستەر ورگاندارىمەن جانە ەلدىڭ باسقا دا كۇشتىك قۇرىلىمدارىمەن بىرلەسىپ، قوعامىمىزدىڭ تۇراقتىلىعى مەن وركەن­دەۋىن قامتاماسىز ەتىپ كەلەمىز.

1

اسكەرىمىز پاندەميا كەزىندە دە ءوز مىندەتىن تولىق اتقارۋدا. ەلدىڭ ورتا­لىق، شىعىس جانە وڭتۇستىك ايماقتارىن­دا بولعان تابيعي جانە تەحنوگەندىك سيپاتتاعى توتەنشە جاعدايلاردى جويۋعا قاتىستى. اسكەري قىزمەتشىلەر شىعىس قازاقستان وبلىسى بايداۋلەت ورمانشىلىعىنىڭ اۋماعىندا اۋدانى 750 گا ورمان ورتىنە قارسى كۇرەسكە تارتىلدى. ءتۇرلى توتەنشە جاعدايلاردى جويۋعا بارلىعى 5 مىڭنان استام اسكەري قىزمەتشى مەن 516 بىرلىك تەحنيكا جۇ­مىلدىرىلدى. ءبىزدىڭ جاۋىنگەرلەر بوران مەن كوكتەمگى سۋ تاسقىنى كەزىندە زارداپ شەككەن ادامدارعا كومەككە كەلدى. قار قۇرساۋىنان 326 ادام مەن 112 بىرلىك تەحنيكا ەۆاكۋاتسيالاندى.

وتكەن جىلى بولىمشەلەر جامبىل وبلىسىنداعى قورداي اۋدانىنداعى وقي­عالاردى وقشاۋلاۋعا قاتىستى. سونداي-اق العاشقىلاردىڭ ءبىرى بولىپ تۇركىستان وبلىسىنىڭ ماقتاارال اۋدانىنا بارىپ، سۋ تاسقىنىنان زارداپ شەككەن حالىقتىڭ مۇلكىن تاسىمالداۋ بويىنشا اپاتتىق-قۇتقارۋ جۇمىستارىنا جۇمىلدىرىلدى. بۇدان بولەك، ءبىزدىڭ رادياتسيالىق، حيميا­لىق جانە بيولوگيالىق قورعاۋ (رحبق) بولىمشەلەرىمىز كارانتيندىك ءىس-شارالار كەزىندە ەلىمىزدىڭ توعىز ەلدى مەكەنىنىڭ اۋماعىنداعى تۇرعىن ءۇي القاپتارىن، ساياباقتاردى، بالالار الاڭدارىن، جالپى اۋدانى 900 مىڭ شارشى مەتردەن اساتىن اۋماقتى زالالسىزداندىردى.

وكىنىشكە قاراي، پاندەميامەن كۇرەس كەزىندە ءبىز ءۇش بىردەي اسكەري قىزمەت­شىمىزدەن ايىرىلىپ قالدىق. ولاردىڭ ەل ءۇشىن ەتكەن ەرەن ەڭبەكتەرى ەسكەرۋسىز ەمەس. ۇشەۋى دە قايتىس بولعاننان كەيىن مەملەكەتتىك ماراپاتتارمەن ناگرادتالدى. اتاپ ايتساق، مەملەكەت باس­شى­سىنىڭ جارلىعىمەن ءىى دارەجەلى «ايبىن» وردەنىمەن ۇلتتىق ۇلان باس قولباسشىسىنىڭ ورىنباسارى بولعان گەنەرال-مايور مۇحامەتقالي ساتوۆ، «ورتالىق» وڭىرلىك قولباسشىلىعى 5 510 اسكەري ءبولىمى مەديتسينا قىزمەتىنىڭ باستىعى، مەديتسينا قىزمەتىنىڭ مايورى ماراتحان اردان، 28 237 اسكەري ءبولىمىنىڭ مەديتسينالىق قىزمەت باستىعى، كاپيتان بەگاليدين الاشباەۆ «قۇرمەت» وردەنىمەن ماراپاتتالدى.

مەملەكەت باسشىسى قاسىم-جومارت توقاەۆ ۇلتتىق ۇلاننىڭ ەلوردالىق قۇرا­ماسىنا بارعان العاش ساپارىندا ۇلتتىق ۇلاندى ناعىز ەرلىك پەن پاتريوتيزم مەكتەبى دەپ اتادى. شىندىعىندا، ۇلتتىق ۇلان پاتريوتيزم مەكتەبىنە اينالىپ وتىر.

ارميا اسكەري داستۇرلەردەن تۇرادى. باۋىرجان مومىش ۇلى اسىل تاربيە العان ادام جاۋىنگەرلىك قاسيەتتەردىڭ نەگىزىن – ادالدىقتى، ءتارتىپتى يگەرەدى دەپ سەندى. سوندىقتان جەكە قۇرامدى وقى­تۋ بارىسىندا قازاق حالقىنىڭ وتكەنى­نەن جەتكەن بارلىق جاقسىلىقتى، حا­لىق دانالىعىنىڭ التىن قازىناسىن كەڭى­نەن پايدالانامىز. جاستاردى اسىل داستۇر­لەرمەن تاربيەلەۋ كەرەك، ويتكەنى ءداستۇر – بۇل وتكەننىڭ ءولى جادىگەرى ەمەس، قازىرگى جانە بولاشاق ۇلى كۇرەستەر ءۇشىن بۇرىن جاسالعان جانە قايرالعان كۇشتى قارۋ.

ءبىز جاۋىنگەرلىك قىزمەتتىڭ وزىق ۇلگى­لەرىن، ۇرپاقتار ساباقتاستىعىن، وتان­عا دەگەن قالتقىسىز قىزمەتتىڭ ماڭى­زىن تەرەڭ تۇسىنەمىز. بۇل حالىقتىق قۇن­دى­لىق­تاردى دارىپتەپ، ناسيحاتتاۋ­دا ونەر سالاسىنىڭ مۇمكىندىكتەرىن كە­ڭىنەن قول­دانامىز. حالىق پەن اسكەر ارا­سىنداعى التىن كوپىر ۇلتتىق ۇلان ءان-بي ءانسامبلىنىڭ ونەرپازدارى بولىپ وتىر. شىعارماشىلىق ۇجىم تەك ەل­وردالىق گارنيزوندا ونەر كورسەتپەيدى. پان­دەمياعا دەيىن ءبىز وتكەن جىلدارى بارشا قازاقستان بويىنشا 80-گە جۋىق كونتسەرتتىك ءىس-شارا ۇيىمداستىرىپ، الىس اۋىلداردا ونەر كورسەتتىك.

جەكە قۇرامدى تاربيەلەۋ – وتە كۇر­دەلى مىندەت. جاس جىگىت اسكەردە ۇلكەن ءومىر مەكتەبىنەن وتەدى. كومانديرلەر مەن تالىم­گەرلەردەن تاربيە الادى. بىراق تار­بيە­نىڭ نەگىزى، ومىرلىك ۇستانىمدارى وتباسىندا جانە قوعامدا، قورشاعان ورتا­دا قالىپتاساتىنىن ۇمىتپاۋىمىز كە­رەك. دەگەنمەن، ءبىر جىل ىشىندە اسكەرگە شاقى­رىلۋشىعا جاۋىنگەرگە ءتان قاسيەتتەر­دى، ياعني، ەرىك-جىگەردى ۇيرەتۋگە، اسكەري-قول­­دان­بالى داعدىلاردى ۇيرەتۋگە مىن­دەتتىمىز.

ءبىز ءۇشىن، اعا بۋىننىڭ ءىزباسارلارىن دايارلاۋ وتە ماڭىزدى. سوندىقتان ۇلتتىق ۇلاننىڭ جاس وفيتسەرلەر كورپۋسىنىڭ كاسىبي الەۋەتى مەن ساپاسى جاقسارىپ كەلە جاتقانىن ماقتانىشپەن ايتا الامىز. وفيتسەردىڭ ءتۋابىتتى قاسيەتتەرى قىزمەتتىك تالاپتارعا قايشى كەلمەۋىن بولدىرماۋ ءۇشىن ءبىز كادرلاردى مۇقيات زەرتتەيمىز. ولاردىڭ نەگە بەيىم ەكەنىن، كىمدى قانداي قىزمەتكە باعىتتاۋعا بولاتىنىن انىقتاۋ ءۇشىن مۇقيات زەرتتەيمىز. بىرنەشە جىل بۇرىن كومانداعا كىم كەلەتىنىن جانە اناليتيكالىق جۇمىسقا كىم بەيىم ەكەنىن انىقتايمىز.

ۇلتتىق ۇلان قاتارىندا حالىق قاھار­مانى، پولكوۆنيك قايرات ۇمبەتوۆ قىزمەت ەتەتىنىن ماقتانىشپەن ايتامىز، بۇگىندە ول – «باتىس» وڭىرلىك قولباسشىلىعىندا شتاب باستىعى. باتىردىڭ ءوز ءومىرىن قاتەرگە تىگە وتىرىپ، ساربازدى جارىلعان گراناتا­دان قۇتقارعانىن ەل تۇرعىندارى جاقسى بىلەدى. ءىىى دارەجەلى «ايبىن» وردەنىمەن ماراپاتتالعان جاندوس بايان­باەۆتىڭ ەرلىگىن دە جاۋىنگەرلەر ماقتان تۇتادى. وسىن­داي وردەننىڭ يەگەرى ەربول وتارباەۆ ەرلىگىنىڭ شىنايى جەلىسىمەن «التىنشى بەكەت» كوركەم ءفيلمى تۇسى­رىلگەن. اقتو­بەدە قىلمىسكەرلەرمەن ۇرىس كەزىندە جارالانعان ساربازدار بۇ­گىن كەلىسىمشارت بويىنشا قىزمەت ەتەدى، بىرەۋى وفيتسەر بولدى. اسكەردە قازا تاپ­قان اسكەري جول­داستاردىڭ وتباسىلارىنا قولداۋ كورسە­تىلەدى. تاجىك-اۋعان شەكاراسىندا قازا تاپقان 17 ساربازدىڭ ەرلىگى ۇمىتىلمايدى. جاۋىنگەرلەر ەرلىكتەرىنىڭ وقي­عا جەلىسىمەن جارىق كورگەن «قازبات» ءفيلمى – وسى تا­قى­رىپتاعى ەڭ جاقسى كار­تينالاردىڭ ءبىرى. وسىلايشا جاس ۇرپاق ەل قورعاعان سوعىس ارداگەرلەرى مەن بەيبىت كۇننىڭ باتىر­لارىنىڭ ەرلىكتەرى ۇلگىسىندە تار­بيە­لەنۋ ۇستىندە. باسەكەگە قابىلەتتى، كاسى­بي دايارلانعان، ءوز ەلىنىڭ جالىندى قورعاۋ­شى­لارىن ازىرلەۋ – ءبىزدىڭ اسىل پارىزىمىز.

 

الىبەك سەراليەۆ،

ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، گەنەرال-مايور

سوڭعى جاڭالىقتار

الەكسەي تسوي وتستاۆكاعا كەتە مە؟

قازاقستان • بۇگىن، 15:37

كەڭەستەردىڭ قىزمەت اياسى كەڭەيدى

قازاقستان • بۇگىن، 08:37

5 جىلدا – 2 ملرد اعاش

قازاقستان • بۇگىن، 08:36

ءسۇت زاۋىتىنداعى سىناق

ايماقتار • بۇگىن، 08:27

«قارا باۋىر قاسقالداق»

رۋحانيات • بۇگىن، 08:25

ەكىدىڭ ماڭىنداعى ەسكەرتكىشتەر

ايماقتار • بۇگىن، 08:22

كۇي – قازاقتىڭ قازىناسى

رۋحانيات • بۇگىن، 08:19

جۇرەك جىلۋى جان جادىراتادى

ايماقتار • بۇگىن، 08:18

دونور بولۋ – ۇلكەن دارەجە

قوعام • بۇگىن، 08:14

ۇقساس جاڭالىقتار