الەم • 06 مامىر، 2021

زەلەنسكي اق ءۇي باسشىسىن ۋكرايناعا شاقىردى

6 رەت كورسەتىلدى

ۋكراينا پرەزيدەنتى ۆلاديمير زەلەنسكي اقش-تىڭ مەملەكەتتىك حاتشىسى ەنتوني بلينكەنمەن اقش پرەزيدەنتى دجو بايدەنمەن كەزدەسۋ مۇمكىندىگىن تالقىلاعانىن جانە ونى ۋكرايناعا رەسمي ساپارمەن كەلۋگە شاقىرعانىن ايتتى، دەپ حابارلايدى Egemen.kz.

«مەن اقش پرەزيدەنتىن بيىل - تاۋەلسىزدىگىمىزدىڭ 30 جىلدىعىندا ۋكرايناعا رەسمي ساپارمەن كەلۋگە شاقىردىم. بۇل كەزدەسۋدىڭ قانداي فورماتتا بولۋى مۇمكىن ەكەنىن بىلمەيمىن (اقش پرەزيدەنتىمەن - اۆت.ەسكەرت.)، ول ەكى ەلگە بايلانىستى. قازىرگى ۋاقىتتا اقش پرەزيدەنتى ءبىزدىڭ ەلدەن شاقىرتۋ الدى. مەن كەزدەسۋ بولاتىنىنا سەنىمدىمىن، ول ەكى ەل ءۇشىن دە ماڭىزدى»، دەدى زەلەنسكي بلينكەنمەن كەزدەسۋ قورىتىندىلارى تۋرالى بريفينگ بارىسىندا.

بلينكەن بايدەندى ۋكرايناعا شاقىرۋ ۇسىنىسىنا جاۋاپ رەتىندە اقش پرەزيدەنتى مۇمكىندىك بولعان كەزدە كەلە الاتىنىن ايتتى.

زەلەنسكي اقش-تىڭ مەملەكەتتىك حاتشىسىمەن قارا جانە ازوۆ تەڭىزدەرىندەگى قاۋىپسىزدىك ماسەلەسىن تالقىلاعانىن ايتتى.

سونداي-اق بلينكەن ۋكراينا رەسەي تاراپىنان «ارانداتۋشىلىققا بوي الدىرمايتىنىن» ايتتى.

سوڭعى جاڭالىقتار

الەكسەي تسوي وتستاۆكاعا كەتە مە؟

قازاقستان • بۇگىن، 15:37

كەڭەستەردىڭ قىزمەت اياسى كەڭەيدى

قازاقستان • بۇگىن، 08:37

5 جىلدا – 2 ملرد اعاش

قازاقستان • بۇگىن، 08:36

ءسۇت زاۋىتىنداعى سىناق

ايماقتار • بۇگىن، 08:27

«قارا باۋىر قاسقالداق»

رۋحانيات • بۇگىن، 08:25

ۇقساس جاڭالىقتار