اشىلۋ سالتاناتىنا قازاقستاننىڭ رەسەيدەگى ەلشىسى ەرمەك كوشەرباەۆ پەن ماسكەۋ قالاسى باسمان اۋدانى باسقارماسىنىڭ باسشىسى يرينا لەسنىح قاتىستى.
فوتوكورمە الەكساندر گريبوەدوۆ ەسكەرتكىشىنىڭ جانىنداعى ادام كوپ جۇرەتىن جەردە ورنالاسقان. ەكسپوزيتسيادا نۇرسۇلتان نازارباەۆ قورىنىڭ, قر قارۋلى كۇشتەرى ۇلتتىق اسكەري-پاتريوتتىق ورتالىعىنىڭ اسكەري-تاريحي مۇراجايىنىڭ, قر اقپارات جانە قوعامدىق دامۋ مينيسترلىگىنىڭ جانە «Kazakh Tourism» ۇلتتىق كومپانياسىنىڭ مۇراعاتتارىنان الىنعان بىرەگەي فوتوسۋرەتتەرى بار 16 ستەند ۇسىنىلعان.
قازاقستان ەلشىسى فوتوكورمەنى ۇيىمداستىرۋعا كومەك كورسەتكەنى ءۇشىن ماسكەۋ قالاسى باسمان اۋدانى باسقارماسىنىڭ باسشىسىنا العىس ايتىپ, ونىڭ ەكى ەلدىڭ مادەني-گۋمانيتارلىق ومىرىندەگى ماڭىزدىلىعىن اتاپ ءوتتى. ول جەڭىس كۇنى قارساڭىندا, اسىرەسە, جاس ۇرپاققا اتا-بابالارىنىڭ ەرلىكتەرى تۋرالى تاريحي شىندىقتى جەتكىزۋ وتە ماڭىزدى ەكەنىن ايتتى. ە. كوشەرباەۆ كورمە ماسكەۋلىكتەر مەن قالا قوناقتارىنا قىزىقتى ءارى پايدالى بولاتىنىنا ءۇمىت ءبىلدىردى. ونىڭ پىكىرىنشە, تسيفرلىق تەحنولوگيالاردىڭ قارقىندى دامۋى داۋىرىندە دە فوتوستەندتەردىڭ ءداستۇرلى فورماتى بۇرىنعىسىنشا سۇرانىسقا يە جانە وزەكتى بولىپ قالا بەرەدى.
كورمەنى قازاقستاننىڭ رەسەيدەگى ەلشىلىگى نۇرسۇلتان نازارباەۆ قورىنىڭ قولداۋىمەن ۇيىمداستىردى جانە ول 16 مامىرعا دەيىن جالعاسادى.
