ايماقتار • 06 مامىر، 2021

ورالدىق دەپۋتاتتار قوس وزەننىڭ جاعدايىنا الاڭداۋلى

205 رەت كورسەتىلدى

باتىس قازاقستان وبلىستىق ماسليحاتىنداعى «Nur Otan» پارتياسى  فراكتسياسىنىڭ 24 مۇشەسى قازاقستان رەسپۋبليكاسى ءماجىلىسى پارلامەنتىنىڭ توراعاسى نۇرلان نىعماتۋللين مەن قازاقستان رەسپۋبليكاسىنىڭ پرەمەر-ءمينيسترى اسقار مامينگە حاتتار جولداپ، وڭىردەگى سۋ تاپشىلىعىنا الاڭداۋشىلىق ءبىلدىردى، دەپ حابارلايدى Egemen.kz.

«Nur Otan» پارتياسىنان سايلانعان وبلىستىق ءماسليحات دەپۋتاتتارى وڭىردەگى بوكەي ورداسى، جانىبەك، قازتالوۆ، جاڭاقالا اۋداندارىنىڭ جەرگىلىكتى تۇرعىندارىمەن كەزدەسكەن كەزدە اۋىل تۇرعىندارى قاراوزەن جانە سارىوزەن ماسەلەسىن ۇنەمى كوتەرەدى. حالىقتىڭ ايتۋىنشا، سوڭعى جىلدارى وسى وزەندەرگە رەسەي اۋماعىنان كەلەتىن سۋ كۇرت تومەندەپ كەتكەن، ءتىپتى سوڭعى 3 جىلدا سۋ مۇلدەم كەلمەگەن.

وزەندەردەگى سۋ دەڭگەيىنىڭ تومەندەۋى اۋدان تۇرعىندارىنىڭ مال شارۋاشىلىعىمەن اينالىسۋىنا كەدەرگى كەلتىرىپ وتىر. وتكەن جىلى جاڭاقالا شارۋالارى مال سۋاتىنان ەرەكشە تاپشىلىق كوردى. بۇلاي بولا بەرسە، مال باسى قىرىلىپ قالۋى مۇمكىن دەگەن قاۋىپ كۇن تارتىبىنەن سوڭعى كەزدەرى تۇسپەي تۇر.

قاراوزەن مەن سارىوزەنگە سۋ رەسەي فەدەراتسياسىنىڭ ساراتوۆ، ۆولگوگراد وبلىستارىنان كەلەدى. كەڭەس وداعى كەزىندە قوس وزەنگە ەدىلدەن سۋ تارتىلىپ، ارناسى تولاتىن. ەدىل سۋىن الۋعا بايلانىستى شىعىنداردى قازاقستان رەسەيگە رەسپۋبليكالىق بيۋدجەت ەسەبىنەن وتەيتىن. كەيىنگى جىلدارى كەلەتىن سۋدىڭ مولشەرى ازايدى. ناتيجەسىندە سوڭعى جىلدارى قۇرعاقشىلىق، سۋعا دەگەن تاۋەلدىلىك كۇشەيىپ كەتتى. سەبەبى قازاقستان تارابى قاجەتتى دەڭگەيدەگى سۋدى الا الماي وتىر.

بۇگىندە قازاقستاننان بولىنگەن قاراجات ساراتوۆ كانالى ارقىلى 54 ملن تەكشە مەتر، ۆولگوگراد وبلىسىنان پاللاسوۆ جۇيەسى ارقىلى 21 ملن تەكشە مەتر سۋ الۋعا جەتەدى. ال قوسىمشا قاجەتتىلىك 131 ملن تەكشە مەتردى قۇرايدى. اقىسى تولەنسە، رەسەي جاعى بىزگە سۋ بەرۋگە دايىن. تەك سول سۋدى جەتكىزۋ ءۇشىن كەتەتىن شىعىنداردى وتەۋگە قاراجات ماسەلەسى شەشىلمەي وتىر.

سوڭعى جىلدارى قاراوزەن مەن سارىوزەننىڭ ايدىندارى تارتىلىپ، اينالاسىنداعى شاعىن كولدەردىڭ دە جويىلۋىنا سەبەپ بولىپ تۇر. قازىر وزەن بويىندا ورنالاسقان كىشىگىرىم سۋ قويمالارىنىڭ بارلىعى دا قازىر بوس تۇر دەۋگە بولادى. ول ءوز كەزەگىندە، سۋلاردىڭ تايازدانۋىنا، مينەرالدانۋىنا، لاستانۋىنا، جانە بالىق مەن مالدىڭ قىرىلۋىنا اكەلىپ سوعۋدا.

وسى ماسەلەنىڭ وڭىنان شەشىلۋىنە ىقپال ەتۋ ءۇشىن باتىس قازاقستان وبلىستىق ماسليحاتىنداعى «Nur Otan» پارتياسى فراكتسياسىنىڭ 24 مۇشەسى بيىلعى ناۋرىز ايىندا قازاقستان رەسپۋبليكاسى ءماجىلىسى پارلامەنتىنىڭ توراعاسى نۇرلان نىعماتۋللينگە جانە قازاقستان رەسپۋبليكاسىنىڭ پرەمەر-ءمينيسترى اسقار مامينگە حات جولداعان بولاتىن.

قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگى 2021 جىلعى 2 ساۋىردە جولداعان حاتىنا قاراعاندا بۇل ماسەلە وڭىنان شەشىلەتىن سىڭايلى. باتىس قازاقستان وبلىسىنداعى سۋ شارۋاشىلىعىن جاقسارتۋ ماقساتىندا قاراوزەن مەن سارىوزەنگە 132،9 ملن تەكشەمەتر ەدىل سۋىن الۋ ءۇشىن 2021 جىلعا ارنالعان رەسپۋبليكالىق بيۋدجەتتىڭ كىشى باعدارلاماسى بويىنشا 3،5 ملرد تەڭگە قاراجات ءبولۋ تۋرالى قازاقستان رەسپۋبليكاسى قارجى مينيسترلىگىنە بيۋدجەتتىك ءوتىنىم جولدانعانى بەلگىلى بولدى. بۇل ماسەلە بيۋدجەتتى ناقتىلاۋ شەڭبەرىندە پىسىقتالاتىن بولىپ شەشىم قابىلدانعان.

«قاراوزەن مەن سارىوزەنگە سۋ الۋ ماسەلەسىن «Nur Otan» پارتياسى باتىس قازاقستان وبلىستىق فيليالى ءجىتى باقىلاپ وتىر» دەپ حابارلادى بىزگە فيليالدىڭ ءباسپاسوز حاتشىسى.قۇجات

قۇجات

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار