ايماقتار • 06 مامىر، 2021

الەۋمەتتىك جەلىدە الاياقتار تولىپ ءجۇر

28 رەت كورسەتىلدى

قالا اكىمدىگىنىڭ ءباسپاسوز ورتالىعىندا قىزىلوردا قپب باستىعىنىڭ تەرگەۋ ءىسى جونىندەگى ورىنباسارى، پوليتسيا پودپولكوۆنيگى ساكەن سىزدىقتىڭ قاتىسۋىمەن بۇقارالىق اقپارات قۇرالدارى وكىلدەرىنە ارنالعان بريفينگ ءوتتى، دەپ حابارلايدى Egemen.kz.

بريفينگتە قوعامدىق قاۋىپسىزدىكتى قامتاماسىز ەتۋ باعىتىندا قالالىق پوليتسيا باسقارماسىنىڭ 2021 جىلدىڭ 4 ايىندا اتقارعان جۇمىستارى، الاياقتىق دەرەگىمەن  تىركەلگەن قىلمىستار جايلى باياندالدى.

قالا كولەمىندە قىلمىستاردىڭ تىركەلۋى 1112 –دەن 974-كە (12،4 پايىزعا) تومەندەگەن. دەگەنمەن، الاياقتىق قىلمىستىڭ تىركەلۋ كورسەتكىشى 71،4 پايىزعا جوعارىلاعان.

جىل باسىنان باستاپ 329 الاياقتىق قىلمىسى تىركەلسە، ونىڭ ىشىندە، الەۋمەتتىك جەلى ارقىلى جاسالعان الاياقتىق (اقشا تابۋ، نەسيە الىپ بەرۋ، اقشانى 2 ەسە كوبەيتۋ) 77-دەن 220-عا دەيىن جوعارىلاعان.

بريفينگ بارىسىندا  الاياقتىق قىلمىسىنىڭ ءوسىم الۋىنىڭ باستى سەبەپتەرىنە توقتالعان ساكەن ابيبۋللا ۇلى الاياقتىق قىلمىستار ىشىندە الەۋمەتتىك جەلى ارقىلى كوپ پايدا تابۋ نەمەسە ازاماتتاردىڭ سىرتىنان ونلاين نەسيە الۋ بولىپ وتىرعانىن، نەسيە بەرىپ وتىرعان مەكەمەلەردىڭ بارلىعى الماتى قالاسىندا ورنالاسقان «كرەديت24»، «ونلاين فينانس»، «زايمەر»، «ۆىگودنىي كرەديت» تاعى سول سياقتى جاۋاپكەرشىلىگى شەكتەۋلى سەرىكتەستىكتەرى ەكەندىگىن ايتىپ ءوتتى.

باسقارما تاراپىنان اتالعان سەرىكتەستىكتەر تاراپىنان نەسيە راسىمدەۋ بارىسىندا ءبىرشاما كەمشىلىكتەرگە جول بەرگەنى انىقتالىپ، ونى جويۋعا جانە ولاردىڭ قىزمەتىنە ۋاقىتشا شەكتەۋ قويۋعا الماتى قالاسىنىڭ ادىلەت دەپارتامەنتىنە، سەرىكتەستىكتەر باسشىلارىنا قىلمىستىق-پروتسەستىك كودەكسىنىڭ 200-بابىنىڭ تالابىنا ساي ۇسىنىس جولدانعان.

الداعى ۋاقىتتا الاياقتىقپەن ءىستى بولىپ سوتتان وتكەندەردىڭ فوتو سۋرەتتەرىن ساۋدا ورىندارى مەن حالىق كوپ شوعىرلاناتىن جەرلەرگە جانە قوعامدىق كولىكتەرگە ءىلۋ جوسپارلانعان.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار