الەم • 06 مامىر، 2021

مەديتسينا قىزمەتكەرلەرىنە پاندەميا كەزىندە جۇمىستان شىعۋعا تىيىم سالىندى

31 رەت كورسەتىلدى

ومان سۇلتاناتىندا بيلىك مەديتسينا قىزمەتكەرلەرىنە پاندەميا كەزىندە جۇمىستان شىعۋعا تىيىم سالدى، دەپ حابارلايدى Egemen.kz.

بۇل تالاپتىڭ ەنگىزىلۋى COVID-19 ۆيرۋسىنىڭ جاڭا جاعدايلارىنىڭ كوپ تىركەلۋىمەن جانە جەرگىلىكتى اۋرۋحانالاردىڭ مەديتسينالىق قىزمەتكەرلەرىنە ارتىلعان جۇكتەمەنىڭ ۇلعايۋىمەن بايلانىستى. ۇكىمەت تىيىم سالۋدىڭ ءدال قازىرگى ۋاقىتتا ەڭ قاجەتتى شارا ەكەنىن ايتادى.

فرانتسيا كەلۋشىلەر مىندەتتى تۇردە كارانتيننەن وتكىزىلەتىن ەلدەردىڭ ءتىزىمىن كەڭەيتەدى. مۇنداي شارالار كوروناۆيرۋستىڭ جاڭا شتامدارىنىڭ تارالۋىن بولدىرماۋ ماقساتىندا قابىلدانۋدا. بۇعان دەيىن بيلىك برازيليا، ءۇندىستان، چيلي، وڭتۇستىك افريكا رەسپۋبليكاسى، ارگەنتينا جانە گۆيانادان كەلگەندەر ءۇشىن مىندەتتى 10 كۇندىك كارانتين بەلگىلەۋ تۋرالى جارلىق شىعارعان بولاتىن.

كامبودجا ۇكىمەتى بۇقارالىق اقپارات قۇرالدارىنا «قىزىل» ايماقتارداعى وقيعالاردى جاريالاۋعا جانە جەدەل جاردەم كولىكتەرىن تۇسىرۋگە تىيىم سالدى، سەبەبى ەل ينفەكتسيانىڭ رەكوردتىق وسۋىمەن كۇرەسۋدە. بيلىك اۋرۋحانالاردا توسەك ورىنداردىڭ جەتىسپەۋشىلىگىنە بايلانىىستى مەكتەپتەر مەن بانكەت زالدارىن مەديتسينالىق ورتالىقتارعا قايتا بەيىمدەپ جاتىر.

6 مامىردان باستاپ باۆاريا بيلىگى COVID-19-عا قارسى ۆاكتسينالانعان ادامدار ءۇشىن الەۋمەتتىك شەكتەۋلەردى الىپ تاستايدى. بۇل تۋرالى ايماق باسشىسى ءباسپاسوز ءماسليحاتىندا مالىمدەدى. ول ەكپە سالدىرعان جانە اۋىرىپ جازىلعان ادامدار تۋىس-تانىستارىمەن كەدەرگىسىز كەزدەسۋلەرگە بارا الاتىندىعىن جانە ولارعا كومەندانتتىق ساعات تالاپتارى قولدانىلمايتىندىعىن، مەكەمەلەر مەن دۇكەندەرگە بارعان كەزدە پتر تەستىنىڭ ناتيجەلەرى تالاپ ەتىلمەيتىندىگىن اتاپ ءوتتى. باۆاريانىڭ قالعان تۇرعىندارى ءۇشىن كومەندانتتىق ساعات ءالى دە 22:00-دەن 05:00-گە دەيىن ارەكەت ەتەدى.

بۇگىن ءۇندىستاندا كوروناۆيرۋستان كوز جۇمۋ جاعدايلارى مەن ينفەكتسيانى جۇقتىرۋ كورسەتكىشى بويىنشا جاڭا رەكورد جاڭارتىلدى. وتكەن تاۋلىكتە: 412 618 ادامنان كوروناۆيرۋس ينفەكتسياسى انىقتالعان بولسا، 3 982 ادام اۋرۋدان قايتىس بولدى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار