وقيعا • 06 مامىر، 2021

اقمولا وبلىسىندا تاكسي جۇرگىزۋشىسىن ءولتىردى دەگەن كۇدىكتىلەر ۇستالدى

268 رەت كورسەتىلدى

اقمولا وبلىسىندا تاكسي جۇرگىزۋشىسىن ءولتىردى دەگەن ەكى كۇدىكتى ۇستالدى، دەپ حابارلايدى Egemen.kz.

اتالعان دەرەك بويىنشا، جەدەل قىزمەت وكىلدەرىنىڭ جەكە قۇرامى جاساقتالىپ، جوعالعان اۆتوكولىك ىزدەۋ جۇمىستارى كەزىندە ششۋچينسكىدەگى جەرگىلىكتى ۇيلەردىڭ بىرىنەن تابىلعان. 

پوليتسەيلەردىڭ مالىمەتىنشە، بۇل دەرەك بويىنشا سوتالدى تەرگەۋ باستالدى. بۋراباي اۋدانىنىڭ پوليتسيا ءبولىمى وبلىستىق پوليتسيا دەپارتامەنتىمەن بىرلەسىپ 20 جانە 22 جاستاعى كۇدىكتىلەردى ۇستادى. ولار جاساعان ءىسىن مويىنداپ، قىلمىس قاي جەردە بولعانىن جانە مارقۇمنىڭ دەنەسىن قايدا جاسىرعاندارىن ايتتى.  

مارقۇم بوس ۋاقىتىندا تاكسي قىزمەتىندە جۇمىس ىستەگەن، كۇدىكتىلەر جۇرگىزۋشىنى «يندرايۆەر» قوسىمشاسى ارقىلى شاقىرعان.

ەسكە سالايىق، سەيسەنبى، 4 مامىردا بۋراباي اۋدانىنداعى پوليتسيا باسقارماسىنىڭ كەزەكشى بولىمىنە 45 جاستاعى تۇرعىننان حابار تۇسكەن. ول 3 مامىردا شامامەن ساعات 21.00-دە 19 جاستاعى ۇلى جوعالىپ كەتكەنىن ايتقان. جابىرلەنۋشىنىڭ اناسى ۇلى قارا ءتۇستى «مەرسەدەس-180» اۆتوكولىگىمەن ۇيدەن شىعىپ، جوعالىپ كەتكەنىن حابارلاعان.  

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار