پرەزيدەنت • 05 مامىر، 2021

پرەزيدەنت «قازاقستان تەمىر جولى» ۇك» اق باسقارما توراعاسىن قابىلدادى

28 رەت كورسەتىلدى

قاسىم-جومارت توقاەۆقا ۇلتتىق كومپانيانىڭ جۇمىسى مەن جۇزەگە اسىرىلىپ جاتقان جوبالار جايىندا مالىمەت بەرىلدى، دەپ حابارلايدى Egemen.kz اقورداعا سىلتەمە جاساپ.

نۇرلان ساۋرانباەۆتىڭ ايتۋىنشا، 2021 جىلدىڭ ءبىرىنشى توقسانىندا جۇك اينالىمىنىڭ كولەمى پاندەمياعا قاراماستان 53،4 ميلليارد توننا-شاقىرىمدى قۇراعان، بۇل وتكەن جىلعى وسى كەزەڭنىڭ دەڭگەيىمەن سايكەس كەلەدى. بيىلعى قاڭتار-ناۋرىز ايلارىندا «قازاقستان تەمىر جولى» ۇك» اق جەلىسىندە 60 ميلليون توننادان استام جۇك تيەلدى. بۇل بىلتىرعى جىلدىڭ سايكەس كەزەڭىمەن سالىستىرعاندا 2 پايىزعا ارتىق. ەل ىشىندە 40 ميلليون توننادان استام جۇك تاسىمالداندى، اتالعان كورسەتكىش وتكەن جىلمەن سالىستىرعاندا 3 پايىزعا وسكەن.

بۇدان بولەك پرەزيدەنتكە جۇرگىزىلگەن كەلىسسوزدەردىڭ ارقاسىندا الاشاڭقاي – دوستىق جانە قورعاس – التىنكول شەكارالىق وتكەلدەرىندە ۇزاق تۇرىپ قالعان جابىق ۆاگوندار ماسەلەسى شەشىمىن تاپقانى جايىندا ايتىلدى.

سونىمەن قاتار پاندەمياعا بايلانىستى جولاۋشىلار سانى 2020 جىلدىڭ سايكەس كەزەڭىمەن سالىستىرعاندا 19،5 پايىزعا تومەندەگەن.

«قازاقستان تەمىر جولى» ۇك» اق باسشىسى ترانزيتتىك الەۋەتتى، ونىڭ ىشىندە، قىتاي – ەۋرووداق – قىتاي باعىتىنداعى ترانزيتتىك كونتەينەرلىك تاسىمالدى دامىتۋ، ۆاگوندار مەن لوكوموتيۆتەر پاركىن جاڭارتۋ، ماگيسترالدىق تەمىرجول جەلىسىن جاڭعىرتۋ جونىندەگى جوبالار، سونداي-اق، تسيفرلىق ترانسفورماتسيا جانە كومپانيانىڭ قارجىلىق ورنىقتىلىعى بويىنشا قابىلدانىپ جاتقان شارالار تۋرالى ايتتى.

كەزدەسۋ سوڭىندا قاسىم-جومارت توقاەۆ نۇرلان ساۋرانباەۆقا بىرقاتار ناقتى تاپسىرما بەردى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار