قازاقستاندا كوروناۆيرۋس ۆاكتسيناسىن العان ازاماتتاردىڭ تەك 0,02 پايىزى عانا ۆيرۋستا قايتا جۇقتىرىپ العان دەسەدى.
«جالپى العاندا, ۆاكتسيناتسيا پروتسەسىنىڭ قازىرگى ۋاقىتتا وتە بەلسەندى ءجۇرىپ جاتقانىن كورىپ وتىرمىز. بۇگىندە ازاماتتارىمىز ۆاكتسيناعا ۇلكەن سەنىم ارتا باستادى. ۆاكتسينا العان ازاماتتاردىڭ ىشىندە تەك شامامەن 0,02 پايىزى عانا اۋىرىپ قالدى», دەدى مينيستر.
ءمينيستردىڭ ايتۋىنشا, مۇنداي كورسەتكىش ۆاكتسينانىڭ ءتيىمدى ەكەندىگىن كورسەتەدى.
«ول ايقىن كورىنىپ تۇر. ارينە, ۆاكتسيناتسيالاۋدىڭ مۇنان ارعى قارقىنى دەنساۋلىق ساقتاۋ جۇيەسىنىڭ ۇيلەسىمدى جۇمىسىنا, سونىمەن قاتار ازاماتتاردىڭ تۇسىنىگىنە, جاقىندارى ءۇشىن دۇرىس تاڭداۋ جاساۋىنا جانە ۇجىمدىق يممۋنيتەتتىڭ دامۋىنا بايلانىستى ەكەندىگىن اتاپ وتكىم كەلەدى», دەدى الەكسەي تسوي.
