ايماقتار • 05 مامىر، 2021

ناۋقاستاردىڭ 45%-ى ادام كوپ جينالاتىن ورىندارعا بارعان – سانيتارلىق دارىگەر

17 رەت كورسەتىلدى

ەلوردانىڭ باس مەملەكەتتىك سانيتارلىق دارىگەرى سارحات بەيسەنوۆا قالا تۇرعىندارىن شەكتەۋ شارالارى مەن سانيتارلىق نورمالاردى، سونداي-اق ءۇي كارانتينى تالاپتارىن تولىقتاي ساقتاۋعا شاقىردى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

«ەپيدانامنەزدە ناۋقاستاردىڭ 45%-ى ادام كوپ جينالاتىن ورىندارعا (ساۋدا-ويىن ورتالىقتارى، قوعامدىق تاماقتانۋ وبەكتىلەرى جانە ت.ب.) بىرنەشە رەت بارعان، ناۋقاستاردىڭ 1%-ى بۇقارالىق ءىس-شارالاردى (ۇيلەنۋ تويلارى، كەشتەر، ەسكە الۋ جانە ت.ب.) وتكىزۋگە قاتىسقانىن، ال 32%-ى ءۇي وشاعىندا ساقتىق شارالارىن ساقتاماعان»، دەپ حابارلادى سارحات بەيسەنوۆا.

ول امبۋلاتوريالىق ناۋقاستاردىڭ دا، جاقىن بايلانىستا بولعان ادامداردىڭ دا شەكتەۋ شارالارى مەن كارانتيندى ساقتاماۋى كوروناۆيرۋستىق ينفەكتسيا جاعدايلارىن تىركەۋدىڭ نەگىزگى سەبەبى بولىپ قالا بەرەتىنىن اتاپ ءوتتى.

5 ءساۋىر مەن 4 مامىر ارالىعىندا «Ashyq» قوسىمشاسى بويىنشا جۇمىس ىستەيتىن وبەكتىلەردە 880 ءۇي كارانتينىن بۇزۋشى انىقتالدى، ونىڭ ىشىندە 414 – ناۋقاس جانە 466 – بايلانىستا بولعان ادام.

«قۇرمەتتى ەلوردا تۇرعىندارى مەن قوناقتارى! قالاداعى ەپيدەميولوگيالىق جاعداي تۇراقسىز بولىپ قالۋدا. «قىزىل» نەمەسە «سارى» ستاتۋسى بار تۇرعىندار COVID-19 تاسىمالداۋشىلارى بولا وتىرىپ، مەگاپوليستىڭ قوعامدىق ورىندارىندا ءجۇرىپ، يممۋنيتەتى تومەن، قارتتار مەن بالالار، سونداي-اق باسقا دا قاۋىپ توبىنداعى ادامدارعا جۇقتىرادى. وسىلايشا، نۇر-سۇلتان قالاسىنىڭ «قىزىل» ايماقتا بولۋ كەزەڭىن ۇزارتىپ، COVID-19 بويىنشا سىرقاتتانۋشىلىقتىڭ كۇندەلىكتى وسۋىنە اسەر ەتۋدە. وسى سەبەپتى قالا تۇرعىندارىنا، اسىرەسە ءۇي كارانتينىندەگى ادامدارعا، سونداي-اق كاسىپكەرلىك سۋبەكتىلەرىنە ايتارىم، بارلىق شەكتەۋ شارالارى مەن سانيتارلىق ەرەجەلەردى ساقتاڭىزدار، بۇل ينفەكتسيانىڭ تارالۋىن تومەندەتۋگە جانە اۋرۋ قاۋپىن ازايتۋعا مۇمكىندىك بەرەدى»، دەدى سارحات بەيسەنوۆا قالا تۇرعىندارىنا.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

الداعى كۇندەرى كۇن سۋىتادى

اۋا رايى • بۇگىن، 11:55

ۇقساس جاڭالىقتار