«بۇگىن اقش حوككەي كلۋبىنىڭ جاتتىقتىرۋشىسى بولعان بۇلبۇل قارتانبايمەن كەزدەستىم. ول اتالعان سپورت تۇرىندەگى العاشقى قازاقستاندىق سپورتشى اتانىپ وتىر. بۇلبۇلمەن ىنتىماقتاستىق ماسەلەلەرى تالقىلاندى. ءوز تاراپىمىزدان وعان ەلوردامىزدا قىزدارعا ارنالعان حوككەي سەكتسياسىن اشۋعا كومەكتەسەمىز.
سپورت – ارقايسىمىزدىڭ ومىرىمىزدە ماڭىزدى ءرول اتقارادى. قالا تۇرعىندارى اراسىندا بۇقارالىق سپورتتى ناسيحاتتاۋ ءۇشىن قاجەتتى جاعدايلار جاسايمىز: سپورت نىساندارىن جوندەيمىز, جاڭا سپورت كەشەندەرىن اشامىز, مىسالى, ەلباسىنىڭ تاپسىرماسى بويىنشا «Qazaqstan» جەڭىل اتلەتيكالىق كەشەنى سالىندى. سونداي-اق قوعامدىق كەڭىستىكتەر (ساياباقتار, سكۆەرلەر, بۋلۆارلار) مەن اۋلالاردى اباتتاندىرامىز, بالالار مەن جاسوسپىرىمدەر سپورتىن, فەدەراتسيالاردى قولدايمىز. وسىنىڭ بارلىعى سپورت نىساندارىنىڭ قولجەتىمدىلىگىن ارتتىرۋعا, سول ارقىلى ءوزىمىزدىڭ بولاشاق سپورت جۇلدىزدارىمىزدى جانە ساپالى جاتتىقتىرۋشىلار قۇرامىن وسىرۋگە, سونداي-اق قالا تۇرعىندارىن بۇقارالىق سپورتقا باۋلۋعا, ەلوردامىزدا حالىقارالىق دەڭگەيدەگى سپورتتىق ءىس-شارالاردى وتكىزۋگە جانە ت.ب. مۇمكىندىك بەرەدى», دەپ جازدى ەلوردا اكىمى.
