ايماقتار • 04 مامىر، 2021

​​ىلە-الاتاۋ ۇلتتىق پاركى جانىنداعى قوعامدىق كەڭەستىڭ وتىرىسى ءوتتى

11 رەت كورسەتىلدى

الماتىدا ىلە-الاتاۋ مەملەكەتتىك ۇلتتىق تابيعي پاركى قوعامدىق كەڭەسىنىڭ كەزەكتى وتىرىسىندا پارك اۋماعىندا ەكوتۋريزمدى دامىتۋ ماسەلەلەرى تالقىلانىپ، بالالارعا ارنالعان تاۋ شاڭعىسى سپورتىن دامىتۋ بازاسىن دايىنداۋ تۋرالى ۇسىنىس ايتىلدى. بۇل تۋرالى ەكولوگيا مينيسترلىگىنىڭ ءباسپاسوز قىزمەتى حابارلادى.

ەسكە سالساق، 2021 جىلى اقپان ايىندا ىلە-الاتاۋ ۇلتتىق پاركىندە ەكولوگيالىق تۋريزم ينفراقۇرىلىمىن دامىتۋدىڭ باس جوسپارىن قاراۋ بويىنشا قوعامدىق تىڭداۋ وتكەن. قوعامدىق تىڭداۋ حاتتاماسى ىلە-الاتاۋ ۇلتتىق پاركى مەن الماتى قالاسى جانە الماتى وبلىسى تۋريزم باسقارمالارىنىڭ سايتتارىندا جاريالاندى. ۇلتتىق پاركتەردە تۋريستىك جانە رەكرەاتسيالىق قىزمەتتى جۇزەگە اسىرۋ ەرەجەسىنە سايكەس تەندەرلىك جانە كونكۋرستىق قۇجاتتار جوباسى دا ۇلتتىق پاركتىڭ ينتەرنەت-رەسۋرسىنا سالىندى.

«قازىرگى ۋاقىتتا ۇلتتىق پارك ەكولوگيالىق تۋريزم قىزمەتىنە جەرلەردى ۇزاقمەرزىمدى پايدالانۋعا بەرىلەتىن ۋچاسكەلەر سانى 9-دان 8-گە، ياعني 171 گەكتارعا، قىسقارمەرزىمدى پايدالانۋعا ۇسىنىلاتىن جەرلەر 26-دان 11-گە، 7،9 گەكتارعا ازايدى. ۇزاق مەرزىمدى جوبالارعا قويىلاتىن نەگىزگى تالاپ - كەشەندى قۇرىلىس جۇرگىزبەي، قايتا الىناتىن قادالار قاعۋ نەمەسە گەوبۇراندالار تەحنولوگياسىن قولدانۋ جانە جەردىڭ قۇنارلى توپىراعىنا زيان كەلتىرمەۋ. سونىمەن قاتار قالدىقتاردى باسقارۋ، تازالاۋ قۇرىلعىلارىن قولدانۋ مۇمكىندىكتەرىن قاراستىرۋ كەرەك»،- دەدى ىلە-الاتاۋ مۇتپ ديرەكتورى دامير مالگەلديەۆ.

اتاپ وتەيىك، قوعام وكىلدەرىنىڭ پىكىرىن ەسكەرە كەلە ۇلتتىق پارك جەرلەرىن ۇزاقمەرزىمدى پايدالانۋعا بەرۋ 49 جىلدان 25 جىلعا، قىسقامەرزىمدى پايدالانۋعا بەرۋ 5 جىلدان 1 جىلعا قىسقاردى. قورشاعان ورتاعا زالال كەلتىرمەۋ تالاپتارى ساقتالماسا، ۇلتتىق پارك كەلىسىمشارتتى بىرجاقتى نەگىزدە ۇزە الادى.

جيىندا الماتى قالاسى تۋريزم باسقارماسىنىڭ جەتەكشىسى سابينا امانگەلدى «تسسكا» تاۋ شاڭعى بازاسىن رەكونسترۋكتسيالاۋ جوباسىن تانىستىردى. كەڭەس مۇشەلەرى اتالعان نىسان اسىرەسە، بالالارعا ىڭعايلى بەلسەندى دەمالىس ايماعى رەتىندە دامۋى ءتيىس ەكەندىگىن اتاپ ءوتتى. الداعى ۋاقىتتا اتالعان جەردە بالالار تاۋ شاڭعىسى بازاسىن جاساۋ ماسەلەسى مەن باسقا دا جوبالار تاعى دا كەڭەس تالقىسىنا سالىنادى

جيىن قورىتىندىسى بويىنشا كەڭەس مۇشەلەرى ەكوتۋريزم جوباسىن جۇزەگە اسىرۋ جوسپارلانعان ۋچاسكەلەردە كوشپەلى جينالىس ۇيىمداستىرۋ تۋرالى شەشىمگە كەلدى.

اتاپ وتەيىك، ەرەكشە قورعالاتىن تابيعي اۋماقتاردا ەكولوگيالىق ءتۋريزمدى دامىتۋ ازاماتتاردىڭ بويىندا تابيعاتقا جاناشىرلىقتى قالىپتاستىرۋعا سەپتىگىن تيگىزەتىن ەكولوگيالىق اعارتۋ جۇمىسىن جۇرگىزۋگە جانە جەرگىلىكتى حالىقتى قىزمەت كورسەتۋ سالاسىندا جۇمىسپەن قامتۋعا مۇمكىندىك بەرەدى.

تەندەر مەن كونكۋرسقا قاتىستى اقپارات ، قابىلدانعان شەشىمدەر جايىندا اقپارات الاتاۋ ۇلتتىق پاركىنىڭ www.ile-alatau.kz سايتىندا جاريالانادى.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

ۇقساس جاڭالىقتار