ايماقتار • 04 مامىر، 2021

قوستاناي وبلىسىندا بىرنەشە اكىم اۋىستى

106 رەت كورسەتىلدى

قوستاناي وبلىسىنىڭ ناۋىرزىم جانە امانگەلدى  اۋداندارىندا، سونداي-اق، ارقالىق قالاسىندا جاڭا اكىمدەر تاعايىندالدى، دەپ حابارلايدى Egemen.kz

اۋدان اكىمدىكتەرىندەگى اۋىس-ءتۇيىستىڭ ءمان-ءمانىسىن وبلىس باسشىسى ارحيمەد مۇحامبەتوۆ ءتۇسىندىرىپ، جەرگىلىكتى جۇرتتى جاڭا اكىمدەرىمەن تانىستىردى.    

سونىمەن، ناۋىرزىم اۋدانىنا قايرات ابىشەۆ اكىم بولىپ تاعايىندالدى. جاڭا اكىم 1969 جىلى قازىرگى اۋليەكول اۋدانىنداعى تيموفەەۆ اۋىلىندا دۇنيەگە كەلگەن. ەكى جوعارى ءبىلىمى بار: 1992 جىلى قوستاناي اۋىل شارۋاشىلىعى ينستيتۋتىن اگرونوم ماماندىعى بويىنشا، 2015 جىلى الماتى ەكونوميكا جانە ستاتيستيكا اكادەمياسىن ەكونوميكا جانە بيزنەس ماماندىعى بويىنشا تامامداعان. ەڭبەك جولىن ناۋىرزىم اۋدانىنداعى «قارا قۋراي» بريگاداسىنىڭ اگرونومى بولىپ باستاعان. كەيىن  اۋليەكول اۋدانى اكىمىنىڭ ورىنباسارى، ۇزىنكول اۋدانى جانە ارقالىق قالاسىنىڭ اكىمى قىزمەتتەرىن اتقارعان.

ال وڭتۇستىكتەگى شالعاي ءوڭىر - امانگەلدى اۋدانىنا تالعات كاربوزوۆ باسشى بولىپ تاعايىندالدى.    تالعات كاربوزوۆ 1970 جىلى 2 ساۋىردە قوستاناي وبلىسى امانگەلدى اۋدانى قابىرعا اۋىلىندا دۇنيەگە كەلگەن. جوعارى ءبىلىمدى: 1988 جىلى تورعاي ا/ش تەحنيكۋمىن تامامداعان. 2004 جىلى قوستاناي الەۋمەتتىك اكادەمياسىندا «قارجى جانە نەسيە» ماماندىعى بويىنشا ءبىلىم العان.  2018 جىلدان بۇگىنگى كۇنگە دەيىن ناۋىرزىم اۋدانىنىڭ اكىمى مىندەتىن اتقارىپ كەلگەن.

امانگەلدى اۋدانىنىڭ بۇرىنعى باسشىسى ءامىرحان اسانوۆ ارقالىق قالاسىنىڭ اكىمى قىزمەتىنە اۋىستى.

 

قوستاناي وبلىسى

سوڭعى جاڭالىقتار

ۇقساس جاڭالىقتار