«باقىتتى وتباسى» ورتالىعى جانىنان جاساقتالعان بازاعا سايكەس, كورسەتىلەتىن قايىرىمدىلىق شارالارى جۇيەگە كەلتىرىلدى. وسىعان دەيىن ءبىر تۇرعىن بىرنەشە قايىرىمدىلىق قورلاردان كومەك السا, ەندىگى رەتتە بارلىعى ءوز كەزەگىنە ساي جۇرگىزىلەدى. بۇل تۋرالى وبلىستىق ۆولونتەرلار فرونت ءوفيسىنىڭ جەتەكشىسى بولاتبەك ايتبەنبەتوۆ وڭىرلىك كوممۋنيكاتسيالار قىزمەتىندە وتكەن ونلاين بريفينگتە مالىمدەدى.
«وڭىردە ناۋرىز ايىنان باستاپ «قايىرىمدى ىستەر» مارافونى باستالدى. اتالعان اكتسيا بارىسىندا ايماقتاعى مىڭداعان تۇرعىنعا جەرىگىلىكتى جومارت جاندار تاراپىنان قولداۋ كورسەتىلدى. اتاپ ايتساق, «زەكەت» قايىرىمدىلىق قورى, مەشىت يمامدارى مەن جاماعات بىرلەسە وتىرىپ ايماقتاعى از قامتىلعان 2000 وتباسىنا, «حالىق» قايىرىمدىلىق قورى قالا اۋماعىنداعى 1000 وتباسىنا, «ەل-اراي» قوعامدىق قورى 50 وتباسىنا ازىق ت ۇلىك ۇلەستىردى. ايماق باسشىسىنىڭ باستاماسىمەن وبلىستىق جاستار رەسۋرستىق ورتالىعىنىڭ, مەشىت قىزمەتكەرلەرى مەن ۆولونتەرلار فرونت ءوفيسىنىڭ ەرىكتىلەرىنىڭ قاتىسۋىمەن 5 مىڭعا جۋىق «اۋىزاشار سەبەتى» تاراتىلدى», دەدى بولاتبەك ايتبەنبەتوۆ.
